పుల్లాయన కబుర్లు

సీమాంధ్ర తేనెటీగలు

2011-05-03T21:55:00.001-07:00

మొన్న అక్బరుద్దీన్ మీద దాడి జరిగితే మన హరీష్ రావు statement అది సీమంధ్రుల కుట్ర అంట. ఇంకా నయం నిన్న లాడెన్ మీద అమెరికా దాడి కూడా సీమంధ్రుల కుట్ర అని, జూపల్లి మీద సీమంధ్రుల కుట్ర అని అనలేదు. లేకపోతే ఇంకో అడుగు ముందుకు వేసి ఇది సీమంధ్ర తేనెటీగల కుట్ర, సీమాంధ్ర తేనెటీగల దురహంకారానికి ప్రతీక అంటారేమో.

prp మూసేశారు...అందరూ పండగ చేసుకోండి.

2011-02-07T22:30:00.000-08:00

TDP అభిమానులు: మీరు పండగ చేసుకోండి. prp వోట్లు చీల్చటం వల్లే ఓడిపోయాం అన్నది మీ వాదన కాబట్టి మీకు ఇది పెద్ద పండగే. ఇక మీ ఛానెల్స్ లో మీరు ఒక పార్టీ గురించి దుమ్మెత్తి పోయాల్సిన అవసరం లేదు. మీ పార్టీ గురించి గొప్పలు చెప్పుకుంటే సరిపోతుంది.

కాంగ్రెస్ అభిమానులు: మీరు కూడా పండగ చేసుకోండి. ప్రజారాజ్యం తెలుగు దేశం వొట్ల కన్నా మీ వోట్లే ఎక్కువ చీల్చింది అన్నది మీ భావన కాబట్టి మీకు కూడా మంచిదే. మీ పార్టీ కి free గా ఒక ప్రచార కర్త దొరికాడు కూడా.

prp అభిమానులు: హమ్మయ్య ప్రజా రాజ్యం పార్టీ ఇంక మూసేశారు. ఇంక ఎంత అడ్డమైన వెధవ చిరు ని కామెంట్ చేసీనా బాధ పాడాల్సిన అవసరం లేదు. పార్టీ గురించి ఎప్పుడు ఏ ఛానెల్ వాడు దుష్ప్రచారం చేస్తారో అన్న బెంగ లేదు. పార్టీ నుంచి ఎవరు బైటికి వెళ్లిపోతారో అన్న సందేహం లేదు. వచ్చే ఎన్నికల్లో ఎన్ని సీట్లు గెలుస్తారో అన్న ఆలోచన అంతకన్నా లేదు.

చిరు అభిమానులు: మీకు పండగే పండగ. ఈ పాడు రాజకీయాలు మనకు వద్దు. మన 150 వ సినిమా కి లైన్ క్లియర్ అయిపోయింది. ఇంక దర్శకుడు ఎవరు? పాటలు ఎప్పుడు release అవుతాయి. సినిమా ఎలా ఉంటుంది అన్న ఆలోచనలతో మనం time pass చేసుకుందాం. :)

జై బోలో తెలంగాణ

2011-02-07T04:33:00.000-08:00

ఈ సినిమా ఇంకా చూడలేదు కానీ ఈ సినిమా విడుదలకు ముందు OU జేఏసి అని చెప్పుకొనే కొంత మంది వ్యాఖ్యల గురించి ఈ టపా.

విడుదలకు రెండు నెలల ముందు నుంచి వీరి ఆరోపణలకు నవ్వాలో ఏడవాలో అర్థం అయ్యేది కాదు. అప్పుడు తెలుగు సినిమా వాళ్ళు ఏదో strike అని షూటింగ్లు ఆపేస్తే అది ఈ సినిమా ని అడ్డుకోవటానికి నిర్మాతల మండలి లో ఉన్న సీమంధ్రులు ప్రయత్నిస్తున్నారు అని ఒక అర్థం లేని ఆరోపణ. ఈ సినిమా కు permission ఇవ్వకపోతే సీమంధ్ర సినిమాలను ఆడనివ్వరట. సరే వీళ్లతో మనకెందుకు అనుకోని ఆ సినిమా కి షూటింగ్ చేసుకోమని permission ఇచ్చారు.

తర్వాత సెన్సార్ కి వెళ్లాక వాళ్ళు కొన్ని సన్నివేశాలు తొలగించాల్సిందిగా సూచించారట. మళ్ళీ లొల్లి మొదలు. "సెన్సార్ బోర్డ్ లో ఉన్న సీమంధ్ర వారు సినిమాను అడ్డుకుంటున్నారు..మేము సీమంధ్ర సినిమాలను అడ్డుకుంటాం" అని మళ్లీ ఇంకో ప్రకటన. సెన్సార్ బోర్డ్ లో ఉన్న సీమంధ్రులకు, నిర్మాతల మండలి లో ఉన్న సీమంధ్రులకు ఈ సినిమా ను ఆపటం తప్ప ఇంకేం పని పాట లేదు అని వీళ్ళ ఉద్దేశం కాబోలు. సరే సెన్సార్ బోర్డ్ వాళ్ళు కూడా ఈ ప్రాంతీయ గొడవలు మనకెందుకు అంటూ కేంద్ర సెన్సార్ బోర్డ్ వారికి ఈ సినిమా లోని కొన్ని అభ్యంతర కర సన్నివేశాలను చూపించి ఎలా ముందుకు వెళ్లలో మీరే సూచించండి అని అక్కడికి పంపించారు. వారు ఏవో సూచనలు ఇస్తే దాన్ని బట్టి సినిమా లో కొన్ని సన్నివేశాలు తొలగించారంట.

తెలంగాణ ఉద్యమం లో భాగంగా తెలంగాణ గురించి సినిమా తీసుకోవటం, ప్రత్యేక తెలంగాణ కావాలని కోరుకొనే హక్కు తెలంగాణ ప్రజలకు ఉంది కానీ ప్రతి దానికి సీమంధ్రుల మీద ఏడుపేంటో అర్థం కాదు. తుమ్మినా, దగ్గినా సీమంధ్రుల సినిమాలు అడ్డుకుంటారంట.
ఇక ఈ సినిమా విషయానికి వస్తే, టైమ్స్ ఆఫ్ ఇండియా లో ఈ సినిమా గురించి రాసిన ఈ వ్యాసం చూడండి.
ఈ సినిమాని అడ్డుకుంటే అది చేస్తాం ఇది చేస్తాం అని ప్రగల్భాలు పలికారే కానీ, ఈ సినిమా ని ప్రొడ్యూస్ చేయటానికి తెలంగాణ నుంచి ఒక్కరూ ముందుకు రాలేదు. దాంతో ఈ సినిమా దర్శకుడే ఈ సినిమా ప్రొడ్యూస్ చేయల్సోచింది. సినిమా హాళ్లలో పోస్టర్స్ లో చాలా చోట్ల kCR cutout లు పెట్టారు తెరాస వారు. సినిమా ని నిర్మించటానికి ఈ మహానుభావుడు ముందుకు రాడు కానీ అతను, వాళ్ళ పార్టీ ప్రచారం మాత్రం బాగా జరగాలి ఈ సినిమా ద్వారా. ఇక తెలంగాణ నుంచి కూడా ఈ సినిమా కి distributers కూడా అంతగా ఇంటరెస్ట్ చూపించట్లేదు అని రాశారు.

కాబట్టి OU JAC/TRS నాయకుల్లారా: తెలంగాణ లోనే ఇటువంటి మిశ్రమ స్పందన ఉంటే సీమాంధ్ర వాళ్ళు అడ్డుకుంటున్నారు, కుట్ర అంటూ సీమాంధ్ర వారి మీద నిందలు వేయటం ఎంత వరకు కరెక్ట్? తెలంగాణ కావాలంటే ఏ ప్రాతిపదికన కావాలో స్పష్టంగా చెప్పండి. అంతే కానీ లేని పోనీ ఆరోపణలలతో తెలుగు వారి మధ్య వైరుధ్యం పెంచకండి.

లక్ష ... సారీ...కోట్ల తో జగన్ దీక్షలు

2011-01-10T04:13:00.000-08:00

జగన్ దీక్షల గురించి ఆంధ్రప్రభ లో ఇవ్వాళ వచ్చిన వ్యాసం ఇది.

శ౦కర్ దాదా అవతారమెత్తి మానవత్వం చాటిన 'చిరు'

2011-01-01T17:29:00.000-08:00

గుంటూరు జిల్లా పర్యటన లో చిరు రాజకీయ నాయకులకు సహజంగా ఉండని మానవత్వాన్ని చాటారు. రెండేళ్ల క్రితం bike accident జరిగి కొమా లో ఉన్న ఒక అభిమానిని శంకర్ దాదా సినిమా లో లాగా కదిలించటానికి ప్రయత్నించారు. చిరు ని చూసి ఆ అభిమాని రెండు మూడు సార్లు కళ్లరెప్పలు ఆర్పాడు. అతనిలో కొంచెం కదలిక వచ్చింది. అతని ఇంటికి వెళ్ళటం schedule లో లేకపోయినా, ఒక నాయకుడు అతని విషయం చెప్పేసరికి వాళ్ళ ఇంటికి వెళ్ళి 45 నిముషాలు గడిపాడు. అంటే కాకుండా nims లో వైద్యం చేయిస్తానని మాట కూడా ఇచ్చారు.
ఇక ఇంకో సంఘటన లో కళ్ళు అంతగా కనపడని ఒక ముసలి దంపతులు కాన్వాయ్ దగ్గరకు రావటం గమనించిన చిరు, తన వాహనం దిగి వాళ్ళ కష్టాలను తెలుసుకొని వారికి కంటి చికిత్స ఖర్చులు భరిస్తానని మాట ఇచ్చాడు. ఇంకో సందర్భం లో ఆత్మ హత్య చేసుకున్న కుటుంబం లో ఒక తల్లి పిల్లలను ఎలా చదివించాలి అని బాధ పడుతుంటే, మొదట ఇచ్చిన 25 వేలకు అదనంగా పిల్లల చదువుల కోసం ఇంకో 25 వేలు ఇచ్చి ఉన్నత విద్య కోసం తనకు తెలిసిన వల్ల కాలేజ్ లో సీటు ఇప్పిస్తానని చెప్పారు.

ఇలా అన్నీ చోట్ల చిరు మానవత్వాన్ని చూపించారు. విచిత్రం ఏంటంటే చిరు shakehand ఇవ్వలేదని, ఒక ఊరికి రాలేదని ఎవరన్నా అభిమాని చిరు ని తిడితే మాత్రం box పెట్టి మరీ రాసే మీడియా వాళ్ళు ఈ విషయాలకు కనీస coverage కూడా ఇవ్వకపోవటం.

రాజకీయ బలప్రయోగాలు vs రాజకీయ చేయూత

2010-12-31T01:05:00.000-08:00

ప్రార్ధించే పెదవుల కన్నా చేయూతనిచ్చే చేతులు మిన్న అని పెద్దలు ఎప్పుడో చెప్పారు. ఈ మధ్య వచ్చిన అకాల వర్షాల వల్ల ఎంతో మంది రైతులు మరణించారు, ఇంకా మారనిస్తూనే ఉన్నారు. వారికి ప్రభుత్వం ప్రకటించిన సాయం పక్కన పెడితే ప్రతిపశాలు మాత్రం దీక్ష లు, గర్జనలు అంటూ తెగ గోల చేస్తున్నాయి.

జగన్ లక్ష దీక్ష అంటూ చేసిన హడావిడి అంతా ఇంతా కాదు. ఇది ఒక నిరాహార దీక్ష లా కాకుండా ఒక బల పరీక్ష లాగా, ఒక పార్టీ announcement సభ లాగా జరిగింది. కొత్తగా రిలీస్ అయ్యే సినిమా కి పబ్లిసిటీ కి ఎంత ఖర్చు పెడతారో అంతకు 100 రెట్లు ఖర్చు పెట్టారు ప్రచారం కోసం ఒక్క కృష్ణా జిల్లాలోనే. ప్రతి ఊళ్లో వందల పోస్టర్లు బానర్లు కట్టారు. ఒక మనిషి దగ్గర లక్ష కోట్లు ఉంటే మీడియా మొత్తాన్ని కొని, ఇంకా డబ్బులతో ఏమేమి చేయవచ్చో దానికి ఈ దీక్ష, జగన్ ప్రత్యక్ష ఉదాహరణలు. ఈ దీక్ష కు పెట్టిన ఖర్చు తో రైతులను ఆడుకోవచ్చు కదా అంటే ఆ పని మాత్రం చేయడు. ఎందుకంటే ఇతనికి కావాల్సింది బలపరీక్ష కానీ రైతు సంక్షేమం కాదు. ఈ దీక్ష వల్ల రైతులకు ఒరిగింది పేద్ద గుండు సున్నా.

ఇక చంద్ర బాబు దీక్షలో పెద్దగా హంగు ఆర్భాటాలు లేవు. కాకపోతే తెలివిగా ప్రచారం కోసం డబ్బులు ఖర్చుపెట్టకుండా, తెలివిగా (ఊరు, పేరు లేని) జాతీయ నేతలతో హంగామా చేసి వాళ్ల కోసం ప్రత్యేక విమానాలు ఈర్పాటు చేసి చివరికి ప్రభుత్వం కొద్దిగా కూడా స్పందించకపోవటంతో సమ్మగా చిన్న డ్రామా ఆది సర్దుకున్నాడు. ఇక ఇప్పుడు బలపరీక్ష మొదలు పెట్టింది తెలుగు దేశం కూడా. రైతుకోసం అని పేరు పెట్టి ఈ సభ కోసం మరి ఎన్ని కోట్లు ఖర్చు చేస్తున్నారో వాళ్లకే తెలియాలి. ఇక వీళ్ళ సొంత మీడియా దీనికి ఇస్తున్న coverage అంతా ఇంతా కాదు. ఇక్కడ కూడా రైతులకు ఒరిగేది ఏమీ లేదు. బండి సున్నా.

ఇక మన అభిమాన నేత kcr తెలంగాణ లో ఇంత మంది రైతులు చనిపోయిన అసలు చీమా కూడా కుట్టినట్లు లేదు ఇతనికి. కనీసం తెలంగాణ రైతుల గురించి ఒక్క మాట కూడా మాట్లాడలేదు. తెలంగాణ రాకముందే ఇతను ఇలా ఉంటే ఇక తెలంగాణ వచ్చాక ఏంచేస్తాడో మనం ఊహించుకోవచ్చు. ఇక్కడ సున్నా కూడా అనవసరం. నో సున్నా

వీళ్లందరితో పోల్చుకుంటే అంత వనరులు లేకపోయినా, హంగు ఆర్భాటం లేకుండా చిరు అందిస్తున్న సహకారం అభినందనీయం. పై రెండు దీక్షలపై వచ్చిన కధానాలలో కనీసం వందో వంతు కధానాలు కూడా 'చిరు' సహాయం గురించి కనిపించదు మన మీడియా లో. వీరు అందించే 25 వేలు చాలా తక్కువ మొత్తం అయ్యుండొచ్చు. కానీ చనిపోయిన రైతు కుటుంబాలలో ఇదే కొంచెం ధైర్యాన్ని నింపుతుంది.

తెలంగాణ పై వివక్ష

2010-12-10T05:47:00.000-08:00

తెలంగాణ పై పాలకులే కాకుండా ప్రకృతి కూడా వివక్ష చూపుతుంది. గత సంవత్సర కాలంగా వచ్చిన తుపానులే ఇందుకు నిదర్శనం. లైలా, జల్ తుఫానులు కోస్తా జిల్లాలో భారీ పంట నష్టం, ప్రాణ నష్టం కలిగించాయి. జల్ తుఫాను అయిన 10 రోజుల తర్వాత కూడా విజయవాడ నుంచి నేను తిరుపతి వెళ్తుంటే నెల్లూరు, ప్రకాశం జిల్లాలలో నీటిలో మునగకుండా ఒక్క పంట పొలం కూడా కనిపించలేదు. అంతలా దెబ్బ కొట్టింది ఆ తుఫాను. ఈ సంవత్సరం మొదట్లో బాగా వర్షాలు పడటం తో పంట కూడా కొద్దిగా త్వరగా కోతకొచ్చే సమయం లో జల్ తుఫాను కోస్తా జిల్లాలలో రైతులకు గుండె కోత ను మాత్రమే మిగిల్చింది. జల్ తుఫానులో అంతగా నష్టం జరగని జిల్లాలలో ఈ వారం వచ్చిన తుఫాను వల్ల ఎక్కువ అప్పుడు బయటపడి బట్టగట్టిన పంటలు కూడా నాశనం అయిపోయాయి.

ఈ లింక్ http://disastermanagement.ap.gov.in/website/cyclone.htm చూస్తే కనక గత వంద సంవత్సరాలలో వందకు పైగా తుఫానులు కోస్తా జిల్లాలను అతలాకుతలం చేసినట్లు తెలుస్తుంది. ఇంకొంచెం గమనిస్తే నీళ్ళు బాగా ఉండి పంటలు బాగా పండుతాయి ఆనుకొనే గోదావరి, కృష్ణా, నెల్లూరు జిల్లాలలో తుఫానుల ప్రభావం చాలా ఎక్కువగా ఉంది.

యేతా వాతా నేను చెప్పొచ్చేదేంటంటే తుఫానులు కూడా తెలంగాణ పై వివక్ష చూపుతున్నాయి. ఈ తుఫానులు కొద్దో గోప్పో తెలంగాణ లోనూ ప్రతాపం చూపుతున్నా, కోస్తా తో పోలిస్తే తెలంగాణ జిల్లాలలో జరిగే నష్టం కొంచెమే. మా నీళ్ళు దోచుకుంటున్నారు అని తెగ బాధ పడే తెలంగాణా వాదులు (అందరు తెలంగాణ వాదులు కాదు...కొంత మంది మాత్రమే) తుఫానులలో కూడా తెలంగాణ కు వాటా కావాలని కోరుకోరెoదుకు. దీన్ని నేను తీవ్రంగా ఖండిస్తున్నాను. తుఫానులు చూపుతున్న వివక్ష ను ఖండిస్తూ తుఫాను దిష్టి బొమ్మ దగ్ధం చేసి తెలంగాణ వ్యాప్త బంద్ కు OU JAC పిలుపు ఇవ్వాలని ఆశిస్తున్నాను.

"ఆరెంజ్" సినిమా "బానే ఉంది"

2010-12-03T11:30:00.000-08:00

PS: అదిరింది > బాగుంది > బానే ఉంది > average > చెత్త

సినిమా ని variety గా cut చేసి చూస్తే ఇలా ఉంది

ఫస్ట్ హాఫ్:
మొదటి 20 నిముషాలు = average
తర్వాత గంట = బాగుంది
సెకండ్ హాఫ్:
ఫ్లాష్ బ్యాక్ ముందు= బానే ఉంది
ఫ్లాష్ బాక్, ముగింపు = average

Overall: సినిమా "బానే ఉంది"
చివరి 40 నిముషాలు భాస్కర్ అంత convincing గా తీయలేక పోయాడు. But oveall pretty descent effort by Bhaskar and the movie is any day much better than regular telugu commercial flicks.

సినిమా లో నాకు నచ్చిన విషయాలు:

* first half బాగుంది
* రూబా రూబా పాట theatre లో అదిరిపోయింది. theatre sound system కి ఆ బీట్స్ సూపర్ గా వచ్చాయి. ఆ పాటలో ఒక step నాకు పిచ్చపిచ్చగా నచ్చింది.
* చరణ్ చివర్లో జెనీలియా ని అనుకరించే సీన్ బాగుంది. జెనీలియా 'యో'..'యో' episode నచ్చింది నాకు.

ఎవరు ఈ సినిమా చూడొచ్చు:

* youth కు ఎక్కువ శాతం నచ్చే అవకాశం ఉంది ఈ సినిమా
* మీకు ఆర్య-2, డార్లింగ్ సినిమాలు నచ్చితే మీరు ఈ సినిమా కూడా ఒక సారి try చేయొచ్చు.

ఎవరికి నచ్చదు ఈ సినిమా:
పొరపాటున మీకు బృందావనం, సింహా, కొమరం పులి లేకపోతే రవితేజ సినిమాలు నచ్చాయనుకోండి మీరు ఈ సినిమా కి వెళ్లకపోవటం బెటర్. ఎందుకంటే ఈ సినిమా లో బృందావనం లో లాంటి అద్భుతమైన bus ఫైట్ లాంటి ఫైట్ గానీ లేకపోతే JNTR sound రాకుండా బృందావనం లో చేసిన ఫైట్ ఇలాంటివి ఈ సినిమాలో ఉండవు. కాబట్టి మీరు సాధ్యమైనంత దూరంగా ఉంటే better.

పోలవరం కోసం చిరు మరో ప్రయత్నం

2010-11-23T23:43:00.001-08:00

పోలవరం ప్రాజెక్ట్ కోసం రెండో సారి చిరు ప్రధానిని కలిసి జాతీయ హోదా కోసం విన్నవించారు. అలాగే రాష్ట్రం లోని పలు సమస్యలను ప్రధాని దృష్టి కి తీసుకువెళ్ళారు. మరి మన 33 మంది MP లకు రాష్ట్ర ప్రయోజనాల కోసం పని చేయాలని ఎప్పుడు కనువిప్పు కలుగుతుందో.

ప్రధాని ని కలిసి వివరించిన సమస్యలను సరిగ్గా ప్రస్తావించకుండా, విలేఖరుల సమావేశం లో అన్న ఒక మాట ని head line గా పెట్టి జనాలను పక్కదోవ పట్టించే ఈనాడు రాసిన కధానాన్ని కూడా కింద చూడొచ్చు.

chiru at his best in politics

2010-11-14T05:19:00.001-08:00

చంద్ర బాబు కి అభినందనలు

2010-09-15T06:30:00.000-07:00

తెలంగాణ రైతులు రోడ్లెక్కి ఎరువుల కోసం రాస్తా రోకోలు చేస్తుంటే so called తెలంగాణ నాయకులం అని చెప్పుకొనే ఒక్కడు కూడా పట్టించుకున్న పాపాన పోలేదు. ఉద్రిక్త పరిస్తుతులు ఉన్నా అక్కడికి వెళ్ళి ఆ సమస్య రాష్ట్రం మొత్తం వినపడేలా చేసినందుకు బాబు కు అభినందనలు.
చిన్నప్పుడు క్లాస్ లో చివరి బెంచి లో కూర్చొని గొడవ చేస్తున్న కొంత మందిని మా టీచర్ ఇలా తిట్టే వాళ్ళు "ఒరేయ్ నువ్వు ఎలాగూ చదివి చచ్చేది లేదు ఎందుకురా పక్కన వాళ్ళని కూడా చెడగొడతావ్" అని. సరిగ్గా ఇది kcr కి వర్తిస్తుంది. తెలంగాణ వారి ప్రయోజనాల కోసం ఈ మహానుభావుడు చేసిన ఒక్క మంచి పని లేదు, అది సరి కదా, కనీసం ప్రజల సమస్యల మీద వేరే పార్టీ వారు ధర్నాలు చేస్తుంటే కనీసం వాళ్ళను కూడా చేయనీయడు. వీడి ఉద్దేశం ఎంతో అర్థం కాదు. ఆ రైతులు ఎరువులు దొరక్క వాళ్ళ శ్రమ అంతా వృధా కావాలని వీడి కొరికేమో మరి. బాబ్లీ మీద ఉద్యమం చేస్తుంటే ఎన్నికలున్నాయని చేస్తున్నారు అంటాడు. మరి ఇప్పుడు ఎన్నికలు లేవు కదా, మరి ఇప్పుడు ఈ ఏడుపు ఏంటో అర్థం కాదు. పక్క రాష్ట్రం వాడు మన నీళ్ళు దోచుకుంటే మనకు నష్టం లేదు, అదే గోదావరి చివరలో ఒక ప్రాజెక్ట్ కడుతుంటే దాని మీద పది ఏడుస్తాడు. ఒక వేరే దేశపు యువతి ఒక పార్టీ కి అధ్యక్షురాలుగా ఉంటే మనకు నష్టం లేదు, సాటి తెలుగు వాడు ఒక పార్టీ అధ్యక్షుడిగా ఉంటే తెలుగు దేశం ఆంధ్ర పార్టీ అని చెత్త ప్రచారాలు మొదలు పెడతాడు. నిజం చెప్పాలంటే తెలంగాణ మీద నిర్ణయం తీసుకోవాల్సింది కాంగ్రెస్ పార్టీ. కానీ వాళ్ళని నిలదీయకుండా ఎంత సేపు తెలుగుదేశాన్ని target చేసి kcr చేసే విష ప్రచారాలు వీడు కాంగ్రెస్ తో కుమ్మక్కయిన విషయాన్ని చెప్పకనే చెపుతున్నాయి.
కాకపోతే ఇక్కడ తెలుగు దేశం కూడా కొన్ని సందర్భాలలో నిందించాలి. జగన్ తెలంగాణ వస్తుంటే మొట్ట మొదట జగన్ ను ఇక్కడ తిరగనివ్వం అని ఎర్రబల్లి చేసిన వివాదం అంతా ఇంతా కాదు. ఇలా వాళ్ళ రాజకీయ ప్రత్యర్ధులను అడ్డుకోవటానికి మొదట తెలంగాణ వాదాన్ని వాడుకోవటానికి ప్రయత్నించింది తెలుగు దేశం వాళ్ళే. ఇప్పుడు అదే వాళ్ళకి ఎసరు పెట్టింది.
ఇక పోతే బాబు కాన్వాయ్ మీద దాడి అందరూ ముక్త కంఠం తో ఖండించాల్సిన విషయం. దేశం లో ఎవరు ఎక్కడికైనా వెళ్లొచ్చు ఆ మాత్రం ఇంకిత జ్ఞానం లేని kcr అండ్ కాంగ్రెస్ తెలంగాణ నాయకులకు బుద్ధి ఎప్పుడూ వస్తుందో అర్థం కావటం లేదు. చివరికి బాబు పై ఈ దాడిని కూడా రాజకీయ పార్టీల నాయకులు ('చిరు' మినహా)ఖండించలేక పోగా, ఇందులో తప్పేమీ లేదు అన్నట్లు మాట్లాడిన kcr, vh లు నేటి రాజకీయాల దిగజారుడు తనానికి నిదర్శనం. ఏది ఏమైనా బాబు కి హృదయ పూర్వక అభినందనలు.

HCA పై కన్నేసిన TRS

2010-09-05T03:26:00.000-07:00

ఇది రెండు రోజుల క్రితం ఈనాడు లో వచ్చిన వార్త. ఆంధ్ర దోపిడీ దారులు, దొంగలు అంటూ నిరంతరం తెలంగాణ యువకులని రెచ్చగొట్టి అమాయకులైన చాలా మంది విద్యార్ధుల ప్రాణాలు పోవటానికి ఏకైక కారణం kcr/trs. వాళ్ళు మాట్లాడే ప్రతి మాట విద్యార్ధులను, నిరుద్యోగులను రెచ్చగొట్టే విధంగానే ఉంటుంది. ఇక ఉద్యమం లో ఇంతమంది విద్యార్ధులు బలిదానం చేసుకుంటే TRS నాయకుడు ఒక్కడికి కూడా ఏమీ కాలేదు. హాయిగా పండగ చేసుకుంటున్నారు. మొన్న జరిగిన ఎన్నికల్లో కూడా ప్రజలు TRS నే నమ్మి వాళ్ళకు పట్టం కట్టారు. ఇక group 1 విషయం లో కూడా విద్యార్ధులను రెచ్చగొట్టి వాళ్లని విధ్వంసాలకు ఉసిగొల్పుతూ ఈ KCR మహానుభావుడు వెనకాల చేస్తుందేoటయ్యా అంటే వాళ్లకి HCA మీద పట్టు కావాలంట. ఉద్యమం ఇంత ఉధృతంగా నడుస్తూ పిల్లలు బలిదానాలు ఇస్తుంటే వీళ్ళు చేసే పని ఇది. రాష్ట్రం లో చిచ్చు పెట్టి నీ పని నువ్వు సమ్మగా చేసుకుపోతున్నందుకు నీకు వందనాలు KCR.

ప్లీనరీ కి తయారయిన విశాఖ

2010-08-25T10:08:00.000-07:00

పీఆర్పీ లో నూతనోత్సాహం

2010-08-24T04:53:00.000-07:00

శ్రీరామ్ కి ఫస్ట్ వస్తే తెలుగోళ్లకేంటి?

2010-08-17T05:37:00.000-07:00

అందరూ indian idol లో తెలుగు తేజం అంటూంటే నేను కూడా ఉత్సాహంగా ఒకట్రెండు తెలుగు ఛానళ్ల వాళ్ళు ఈ పోటీ గురించి, ఈ పోటీలో అతను పాడిన పాటలను చూపిస్తూ వేసిన కార్యక్రమాలు చూసాను. ఇక పోతే ఇక్కడ నేను మాట్లాడేది అతను బాగా పాడాడా లేదా అన్న విషయం కాదు, అతను అందరికన్నా బాగా పాడాడు. అయితే నాకేంటి? ఆ కార్యక్రమం నేను చూడటానికి ఏకైక కారణం అతను తెలుగు వాడు కాబట్టి. ఇక ఆ కార్యక్రమం లో హేమమాలిని అతన్ని రెండు మూడు ప్రశ్నలు తెలుగు లో అడిగింది. అతను ఒకట్రెండు ప్రశ్నలకు తెలుగు లో జవాబు చెప్పి ఆమె తెలుగు లో మాట్లాడుతున్నా ఇతడు హిందీ అందుకున్నాడు. సరే కదా అని ఆ కార్యక్రమం చూస్తుంటే ఒకళ్లెవరో మీ south కి సంబంధించిన ఒక dialog చెప్పండి అని ఎవరో అడిగారు అతన్ని. వెంటనే అతను రజనీకాంత్ ఏదో ఒక సినిమాలోని ఒక తమిళ డైలాగ్ చెప్పాడు. కనీసం రజనీకాంత్ నటించిన తెలుగు డైలాగ్ ఏమన్నా చెప్పినా నాకు ok అనిపించేదేమో.
మరి అతను ఎన్ని పాటలు పాడాడో అందులో తెలుగు పాటలు ఎన్ని ఉన్నాయో నాకు అసలు తెలియదు. జాతీయ స్థాయి లో వచ్చే కార్యక్రమం లో అతను కల్పించుకు మరీ తెలుగు పాట పాడాల్సిన అవసరం లేదు, తెలుగు మాటలు మాట్లాడాల్సిన అవసరం అంతకన్నా లేదు. కానీ ఒకళ్లు request చేసిన తర్వాత కూడా అతను తెలుగు కి అంత ప్రాముఖ్యత ఇవ్వకపోవటం నాకు నచ్చలేదు. కాబట్టి నేను vote వెయ్యలేదు.

విజయవంతంగా చిరు రెండో రోజు యాత్ర కడప లో

2010-08-14T02:36:00.000-07:00

చిరు @కడప

2010-08-13T06:07:00.000-07:00

చిరు @చిత్తూరు

2010-08-13T06:04:00.000-07:00

ఉప్పొంగిన అభిమానం అంటే ఇది

2010-08-08T02:02:00.000-07:00

ఉప్పొంగిన అభిమానం అంటే సొంత పత్రికలో, సొంత ఛానెల్ లో, అరువు తెచ్చుకున్న ఇంకో ఛానెల్లోనో 24 గంటలు ఉప్పొంగిన అభిమానం అంటూ ఊదరు కొట్టుకోవటం కాదు, రెండు నెలల ముందు యాత్ర తేదీలను చెప్పి యేర్పాట్లు చేయమని MLA, MP ల వారసులతో కోట్లు ఖర్చు పెట్టించి 100 కి పైగా వాహనాలతో కాన్వ్యాయ్ పెట్టి, లారీ లలో జనాలను తరలించి అది సొంత బలంగా డబ్బా కొట్టుకోవటం కాదు. అతి తక్కువ ప్రచారం తో ఒకరు తరలించకుండా సొంతంగా అడుగడుగునా, ఊరూరా, పల్లె పల్లెనా వేలల్లో తరలివస్తే దాన్ని ఉప్పొంగిన అభిమానం, జన నీరాజనం అంటారు.

కాంగ్రెస్ గడ్డి తింటే మేమూ తింటాం...

2010-06-08T22:40:00.000-07:00

తీరు లాగా ఉంది తెలుగు దేశం పార్టీ తీరు.
తెలంగాణ గురించి చంద్రబాబు ని వైఖరి చెప్పమంటే కాంగ్రెస్ అధ్యక్షురాలు తన వైఖరి చెప్తే చెప్తాడంట...
తెలంగాణ తెదేపా నాయకులని రాజీనామా చేయమని అడిగితే కాంగ్రెస్ వాళ్ళు చేస్తే చేస్తారంట...
ఉప ఎన్నికల్లో కాంగ్రెస్ పోటీ చేస్తుంది కాబట్టి మేమూ పోటీ చేస్తాం అంటున్నారు ఇప్పుడు...
అంటే కాంగ్రెస్ గడ్డి తింటే మీరూ తింటారా? కాంగ్రెస్ తో ఇంత భావ సారూప్యం పెట్టుకున్న మీకు ఒక పార్టీ అవసరమా? మీరు కూడా కాంగ్రెస్ లో విలీనం అయిపోయి హాయిగా heritage వ్యాపారం చేసుకోవచ్చు కదా. అప్పుడు ఇన్ని వెధవ కారణాలు వెతుక్కోనే అవసరం రాదు.
మీకు నిజంగా దమ్ముంటే ఎన్నికలు కాబట్టి పోటీ చేస్తున్నాం అని ధైర్యంగా చెప్పండి. సంవత్సరం తిరక్కుండానే రాజీనామా ఏంటి అని ఎదిరించండి అంతే కానీ కాంగ్రెస్ వాళ్ళు ప్రతి దాన్ని అధిష్టానం మీదకు తోసినట్లు మీరు కాంగ్రెస్ మీద తోయటం దేనికి?
ఇక అన్నిటికన్నా హైలైట్ ఇవ్వాళ ఈనాడు లో రాసిన కింద వార్త. covering అంటే ఎలా ఉండాలో ఈ వార్త ను చూసి నేర్చుకోవాలి మిగతా రాజకీయ పార్టీలను సపోర్ట్ చేసే వార్తా పత్రికల వాళ్ళు. ఇది చదివిన వాళ్ళు మాత్రం నువ్వు నాకు నచ్చావ్ సినిమా లో సునీల్ కళ్ళ నీళ్ళు పెట్టుకొని "మీరు కలెక్టర్ అవుతారు బాబు" అన్నట్లు "తెలుగుదేశం పోటీ చేయాల్సిందే బాబు" అనుకోవటం మాత్రం ఖాయం.

హాయిగా బాబు లాగా ఈనాడు లాంటి ఒక paper ని కొనుక్కుంటే ప్రధాన ప్రతిపక్షం గా ఉండి ప్రజలకు పైసా పని చేయకపోయినా రాష్ట్రాన్ని అంతా మనమే ఉద్ధరిస్తున్నట్లు ఫోసు కొడుతూ happy గా టైమ్ పాస్ చేయొచ్చు.

పోలవరం నిర్వాసితులతో 'చిరు'

2010-06-07T22:11:00.000-07:00

ఒక ప్రొజెక్టు ను ఎంత బాగా చేసినా దాన్ని ఒక logical end/conclusion కు తీసుకు రావటం చాలా ముఖ్యం. చిరు కు మంచి మార్కులు తెచ్చిపెట్టిన పోలవరం యాత్ర లో భాగంగా చిరు ఖమ్మం, గోదావరి జిల్లాల్లోని నిర్వాసితులతో మాట్లాడి వాళ్ళ సమస్యలు విన్నారు. మొక్కుబడిగా 'మమ' అనిపించటమో లేకపోతే "రాష్ట్రం లో ప్రభుత్వం ఉందా?" అంటూ ఒక standard చౌక బారు విమర్శ చేయటమో కాకుండా ఒక పద్ధతి ప్రకారం నిర్వాసితులతో కూడా భేటీ అయ్యి రాజకీయ ప్రసంగాలతో సమయం వృధా చేయకుండా ఎక్కువ సమయం నిర్వాసితులతోటే మాట్లాడించి వారి సమస్యలను విని వాటిని ప్రధాని దృష్టికి తీసుకు వెళ్ళే ప్రయత్నం చేస్తున్నాడు చిరు.All the Best Chiru.

జగన్ "ఓదార్పు యాత్ర" సినిమా

2010-05-28T21:10:00.000-07:00

సినిమా పేరు: jagan's "ఓదార్పు యాత్ర"

హీరో: ఎవరూ లేరు (... నిజం చెప్పాలంటే ఈ సినిమా లో అందరూ విలన్లే, కాకపోతే మీ తృప్తి కోసం మీకు ఎవరు నచ్చితే వాళ్ళని హీరో గా మీరు ఊహించుకోవచ్చు.)
హీరోయిన్: ఎవరు లేరు.

ముఖ్య పాత్రధారులు: జగన్, కెసిఆర్
ఇతర పాత్ర ధారులు: కొండా సురేఖ, కొండా మురళి, యెర్రబల్లి దయాకర్
ఇతరులు: 15 నుంచి 25 యేళ్ళ మధ్య ఉన్న విద్యార్ధులు/యువకులు
ప్రత్యేక అతిధి పాత్రలో: హరికృష్ణ

మాటలు: కెసిఆర్ (ఈయన ఒక range లో చేసిన రెచ్చగొట్టే ప్రసంగాలు బాగా పండాయి)
fights: రాళ్ళు రువ్వటం (jac ల ఆధ్వర్యంలో ), తుపాకీ fights (పోలీసులు, గన్ మెన్ల ఆధ్వర్యంలో)

దర్శకత్వం: ఎక్కువ సన్నివేశాలకు కెవిపి, climax మాత్రం కెసిఆర్ మరియు రాష్ట్ర ప్రభుత్వ పోలీసుల ఆధ్వర్యంలో జరిగింది.
నిర్మాత: జగన్, రాష్ట్ర ప్రభుత్వం.

గౌరవ దర్శకత్వం: నారా చంద్రబాబు నాయుడు గారు (యెర్రబల్లి, హరికృష్ణ గారి సన్నివేశం ఈయన అత్యంత చాకచక్యంతో చిత్రీకరించారు)
మీడియా పార్ట్నర్స్: సాక్షి, రాజ్ న్యూస్

విశిష్ట ప్రేక్షకులు: గౌరవనీయులు పెద్దలు రాష్ట్ర ముఖ్యమంత్రి రోశయ్య గారు, హోమ్ మినిస్టర్ సబిత గారు (వీరు చివరి వరకు ఏమీ చేయకుండా సినిమా చూస్తూ కూర్చున్నారు)

మిగతా ప్రేక్షకులు: రైల్వే స్టేషన్ లో వేచియున్న ప్రయాణికులు, tv ల ముందు కూర్చున్న ప్రజానీకం

విశ్లేషణ: ఇక కొంచెం serious గా మాట్లాడుకుందాం.... ఈ సినిమా వల్ల రాష్ట్రం లో ఏ ఒక్కరికి ఒరిగిందేమీ లేదు. ఎవరికి వారు వ్యక్తిగత ప్రతిష్టలకు పోయి ఎప్పటిలాగే అమాయకులను బలి చేశారు. ఈ సంఘటనకు కాంగ్రెస్, TRS ల పాత్ర ఎంత ఉందో తెలుగు దేశం పాత్ర కూడా అంతే ఉంది. నిజం చెప్పాలంటే ఈ యాత్ర కు అసలు ప్రాముఖ్యతే లేదు. అలాంటి దాన్ని అనవసరం గా limelight లోకి తీసుకువచ్చాడు యెర్రబల్లి తన వివాదాస్పద వ్యాఖ్యలతో. దాంతో అప్పటివరకు కొద్దో గోప్పో విమర్శలు చేస్తున్న TRS కు మద్దతు లభించినట్లయింది. ఇక షరా మామూలుగా మన కెసిఆర్ రెచ్చగొట్టే ప్రసంగాలు చేయటం, మన మీడియా వాటిని పతాక శీర్షికన వేయటం, ఇక కుర్రాళ్లు రెచ్చిపోవటం మామూలుగా జరిగిపోయాయి. ఇక కెసిఆర్ గారు బంద్ కు పిలుపు ఇచ్చి రెక్కాడితేగానీ డొక్కాడని కూలీల కడుపు మరోసారి కొట్టాడు. ఇంట్లో కూర్చొని బిర్యాని తింటూ, కార్లో తిరుగే వాడికి బస్సులు తిరగక సామాన్య మానవుడు పడే అవస్థలు ఎలా తెలుస్తాయి. ఇక జగన్ అనుయాయులు రాష్ట్రం లో చేస్తున్న విధ్వంసాలు అంతా ఇంతా కాదు. తిరుపతి లో రైలు కి నిప్పు పెట్టారు, షాపులను ధ్వంసం చేశారు. ఇలాంటి వాటిని చేయించిన వాళ్ళను, చేసిన వాళ్ళను జైళ్లలో పెట్టి ఎక్కడ కొడుతున్నారో చూడకుండా కుళ్లబొడిచెయ్యాలి.

మన రాష్ట్రం మాత్రం ఎటు వెళ్తుందో అర్ధం కావటం లేదు. ఇలాంటి రాజకీయ పార్టీల ఆటవిక చేష్టలతో మన రాష్ట్రం బీహార్, ఉత్తర ప్రదేశ్ ల సరసన నిలబడే రోజు అతి దగ్గర్లోనే ఉంది అనిపిస్తుంది.

చిరు పోలవరం యాత్ర vs 'ఈనాడు'

2010-05-19T06:09:00.001-07:00

'పోలవరం' కోసం 'చిరు' చెప్పట్టిన యాత్ర మిగతా రాజకీయ పార్టీలకు సమస్యలపై ఎలా ఉద్యమించాలో దిశానిర్దేశం చేసేలా విజయవంతంగా ముందుకు సాగుతుంది. ఒకే అంశం మీద ఇంత తీవ్రతతో చిరు చేస్తున్న ఉద్యమం అభినందనీయం.

ఇక పోతే ఎప్పటిలాగే మన దిక్కుమాలిన మీడియా మాత్రం ఇంత మందికి మేలు చేసే ఒక పర్యటనకు సరైన coverage ఇవ్వకుండా వాళ్ళ వాళ్ళ పార్టీలకు మేలు చేసే పనిలోనే నిమగ్నమయ్యాయి. మండే వేసవిలో సాయంత్రం నాలుగు గంటలకు రోడ్ షో లో మొదలు పెట్టి రోజుకి కనీసం 15 నుంచి 20 చోట్ల ప్రసంగిస్తూ రాత్రి 1 గంట వరకు యాత్ర, తర్వాత ఒక జిల్లా నుంచి మరో జిల్లాకి ప్రయాణం, వేరే ప్రాంతం చేరుకొనే సరికి రాత్రి 2, మళ్ళీ పొద్దున 9 కల్లా ఆ ఊళ్ళో కార్యకర్తలతో, అభిమానులతో సమావేశాలు, ఆ తర్వాత మీడియా సమావేశం, తర్వాత భోజనం, కాసేపు విశ్రాంతి మల్లి రోడ్ షో షురూ...స్థూలంగా గత 14 రోజులు చిరు దినచర్య ఈ విధంగానే జరిగింది. ఇకపోతే వచ్చిన ప్రజా స్పందన మాత్రం అపూర్వం. వెళ్లిన ప్రతిచోట ప్రజలు బ్రహ్మరధం పట్టారు. ఊళ్లకు ఊళ్ళు పోటీ పడ్డట్లుగా ఒక ఊరిని మించి ఇంకో ఊళ్ళో జనాలు బారులు తీరారు. రాత్రి ఒంటిగంట దాటినా, యాత్ర మూడు నాలుగు గంటలు ఆలస్యమైనా అలసట లేకుండా ఎదురు చూశారు. 15 రోజుల పాటు దాదాపు 6 జిల్లాల్లో ఏకబిగిన పర్యటిస్తూ జనాల మధ్యలో గడిపాడు. ఇంత చేసినా పాపం చిరు కి ఒకటి రెండు రోజులు మినహా ఈనాడు paper లో ముఖ్యవార్తలలో చోటు లభించలేదు. విడ్డూరం ఏంటంటే కనీసం రాష్ట్ర రాజకీయాల గురించి రాసే పేజీ లో అతి తక్కువ సార్లు చిరు గురించి రాశాడు. సాధ్యమైనన్ని సార్లు ఏదో ఒక మూలనో, వసుంధర పక్కనో లేక ఆటల పేజీ పక్కనో వేస్తాడు. ఇక ఆ మూల వేసిన వార్త online edition లో మాత్రం బూతద్దం తో వెతికితే తప్ప కనిపించదు. మన చంద్రబాబు అండ్ కో లు మాత్రం ఇంట్లో కూర్చొని బిర్రుగా తిని మధ్యానం దిట్టంగా నిద్రపోయి సాయంత్రం బోర్ కొట్టి జనాలకు ఒక్క పైసా కూడా ఉపయోగపడని ఒక చౌక బారు విమర్శ చేయగానే దానికి ఎక్కడ లేని ప్రాధాన్యం ఇచ్చి తాటికాయంత అక్షరాలతో రాస్తాడు. ఇది ఈనాడు తీరు.

జిల్లా పేపర్లు ఈ విషయం లో బాగా నయం. వాళ్ళకు ఆ పేపర్ల హైకమాండ్ నుంచి అంతా ఒత్తిడి ఉండదేమో బహుశా. యాత్ర కు వస్తున్న స్పందన గురించి ఎక్కువ శాతం నిజాలు రాశారు, బాగానే coverage ఇచ్చారు.

'పోలవరం' ఆవశ్యకత తెలిపే వీడియో

2010-05-14T08:04:00.000-07:00

ఒక ప్రాజెక్ట్ ఆవశ్యకత ను ఇంత చక్కగా చెప్పే వీడియో ఎప్పుడైనా చూశారా?

ఎట్టకేలకు "పోలవరం" కు కదలిక

2010-05-12T06:32:00.001-07:00

చిరు పోలవరం యాత్ర effect...ఒత్తిడి లో congress, TDP

2010-05-07T05:57:00.000-07:00

ఒక చిన్న పార్టీ అయినా ఈ విషయం లో పెద్ద పార్టీలకు ఆదర్శంగా, మార్గదర్శకంగా నిలిచింది ప్రజారాజ్యం. పకడ్బందీ ప్రణాళిక తో రూపొందించిన ఈ యాత్ర రెండో రోజుకు చేరుకోనేలోపే సత్ఫలితాలను ఇస్తుంది. ఒక పక్క యాత్ర కు విశేషమైన జన స్పందన లభిస్తుండగా ఇంకో పక్క మిగతా రాజకీయ పార్టీలు కూడా ఇలాంటి ప్రాజెక్టులకోసం నడుం బిగిస్తున్నాయి. congress MP లు ఇప్పటికే ప్రధానిని కలిసి పోలవరం ప్రాజెక్టు జాతీయహోదా కోసం విజ్ఞప్తి చేయగా తెలుగు దేశం కూడా పోలవరం, ప్రాణహిత ప్రాజెక్టుల కోసం పోరాటం చేస్తామంటుంది. మొత్తానికి అన్నీ పార్టీలు ప్రజా హితమైన ప్రాజెక్టుల మీద దృష్టి సారించాయి. ఈ బుద్ధేదో ముందే ఉంది ఉంటే మనకు ఇన్ని సంవత్సరాల పాటు రైల్వేలలో, కేంద్ర నిధులలో రాష్ట్రానికి ఇంత అన్యాయం జరిగి ఉండేది కాదేమో.

ఇక చివరిగా చెప్పాల్సింది ఏంటంటే, ఒక కొత్త పార్టీ రావటం వల్ల ప్రజలకు మేలే జరుగుతుంది కానీ కీడు జరగదు అన్న దానికి ఇది perfect ఉదాహరణ. పోతే ప్రజారాజ్యం కూడా చిన్నగా గాడిలో పడుతుంది అనిపిస్తుంది. వచ్చే ఎన్నికల కల్లా prp ఉండదు అని, prp congress లో కలిసి పోతుంది అని దుష్ప్రచారం చేసే వాళ్ళకు చిరంజీవి చెప్పే సమాధానం చూస్తుంటే ముచ్చటేస్తుంది.

'చిరు' పోలవరం యాత్రకు గోదావరి లో అపూర్వ స్పందన

2010-05-06T09:14:00.000-07:00

ఆసక్తి రేపుతున్న చిరు "పోలవరం" యాత్ర

2010-05-04T22:40:00.000-07:00

రాష్ట్రం లోని 15 జిల్లాలకు ఉపయోగపడే ప్రాజెక్ట్, దశాబ్దాలుగా మూలుగుతున్న పోలవరం ప్రాజెక్ట్ పై చిరంజీవి చేపట్టిన పోలవరం యాత్ర పట్ల సర్వత్రా ఆసక్తి వ్యక్తమౌతుంది. రాజకీయాల్లో అడుగు పెట్టి రెండు సంవత్సరాలు కూడా పూర్తి కాకపోయినా, ఈ ప్రాజెక్ట్ కోసం ప్రజారాజ్యం భారీ కసరత్తే చేసింది. మొదట మండల స్థాయి సమావేశాలు, తర్వాత జిల్లా స్థాయి సమావేశాలతో జిల్లాలలో ఇప్పటికే ఈ అంశాన్ని బాగా ప్రచారం చేసింది. దానికి తోడు రెండు మూడు రోజుల క్రితం, పోలవరం ఆవశ్యకత ను చాటి చెప్పే cd లను posters ను విడుదల చేశారు. పార్టీకి ఉన్న తక్కువ వనరులను ఉపయోగించుకుంటూ ఇంత చక్కగా plan చేసి ఒక ప్రజా హిత కార్యక్రమం కోసం ఉద్యమించటం చాలా బాగుంది.

ఇకపోతే సందట్లో సడేమియా లాగా తెరాస పోలవరం ప్రాజెక్ట్ తెలంగాణ కు వ్యతిరేకం అంటూ ప్రచారం మొదలుపెట్టింది. గోదావరి పరివాహక ప్రాంతం లో చిట్ట చివర కట్టే ప్రాజెక్ట్ ద్వారా తెలంగాణ ఎలా నష్టపోతుందో వారికే తెలియాలి. పోలవరం ద్వారా ఖమ్మం జిల్లాలో కొన్ని ప్రాంతాలు మునిగిపోతాయి. ఆ మాటకి వస్తే మునిగి పోయే ప్రాంతాలు తూర్పు, పశ్చిమ గోదావరి లోనూ, చత్తీస్గడ్, ఒరిస్సాలోను ఉన్నాయి. ఈ ప్రాజెక్ట్ ద్వారా తెలంగాణ జిల్లాలకు వచ్చే తాగునీరు, మరీ ముఖ్యంగా నల్గొండ జిల్లాలోని ఫ్లోరైడ్ పీడిత ప్రాంతాలకు ఈ ప్రాజెక్ట్ ద్వారా అందే తాగు నీరు, పోలవరం ద్వారా రాయలసీమ కు నీళ్ళు ఇవ్వటం ద్వారా, శ్రీశైలం నుంచి రాయలసీమ కు ఇవ్వాల్సిన నీటి పై ఒత్తిడి తగ్గి, తెలంగాణ కు ఎక్కువ నీరు అందుతుంది. ఇదే కాకుండా పోలవరం లో ఉత్పత్తి అయ్యే విద్యుత్ ను తెలంగాణ లోని ఎత్తి పోతల పధకాలకు ఉపయోగపడుతుంది

ఇకపోతే చిరు పర్యటన మొదలు కాకముందే దాని effect కొద్ది కొద్దిగా కనపడుతుంది. ఆలస్యంగానైనా నిద్ర లేచిన రెండు కళ్ళ చంద్రబాబు మొన్నే ప్రధాన మంత్రికి లేఖ రాశాడు, ప్రాణహిత, పోలవరం ప్రాజెక్ట్ లకు జాతీయ హోదా కల్పించమని. అలాగే తెలంగాణ కాంగ్రెస్ నాయకులు కూడా కొన్ని ప్రాజెక్టుల కోసం ఇలా యాత్ర చేపట్టాలని చూస్తున్నారట. ఇలా ఉద్యమం పేరు చెప్పుకొని అమాయకుల ప్రాణాలు పొట్టన పెట్టుకుంటూ ప్రజలకు ఉపయోగపడే పైసా పని కూడా చేయకుండా పబ్బం గడుపుకుతున్న వారు కూడా ఇలా నిజమైన ప్రజాహిత కార్యక్రమాల మీద దృష్టి సారించటం చిరు సాధించిన మొదటి విజయంగా చెప్పుకోవచ్చు.

ఈ యాత్ర విజయవంతమౌతుందని ప్రభుత్వం పై ఒత్తిడి పెంచుతుందని ఆశిద్దాం.

'పోలవరం' కోసం ప్రజారాజ్యం పోరు

2010-04-26T06:00:00.000-07:00

ఇంతకు ముందు ఒకటి రెండు సమస్యలపై (ఉదా: విద్యుత్ సమస్య, కాకినాడ గాస్ లో వాటా) ప్రజా రాజ్యం ఉద్యమాలు చేసినా పెద్ద ఎత్తున ఒక చక్కటి ప్రణాళిక తో ఇలా ఉద్యమించటం ఇదే మొదటి సారి అనుకుంట.

ఇకపోతే ఈ లింక్ ప్రకారం, పోలవరం ప్రాజెక్ట్ రాష్ట్రం లోని 15 జిల్లాలకు ఉపయోగపడుతుంది, 1941 లో బ్రిటీష్ వాళ్ళ హయాంలో ఈ ప్రాజెక్ట్ ఆలోచన రూపు దిద్దుకుందట. మరి ఇప్పుడు design మారిందో లేదో తెలీదు కానీ, జాతీయహోదా కోసం ప్రయత్నిస్తున్నారంటే ఇది కచ్చితంగా చాలా పెద్ద ప్రాజెక్ట్ అయ్యుండాలి. దీని శంకుస్థాపన జరిగి కూడా చాలా యేళ్లయినా, కారణాలు ఏవైనా ప్రాజెక్ట్ మాత్రం ముందుకు జరిగినట్లు లేదు.

ఇలాంటి పెద్ద ప్రాజెక్ట్ గురించి, ప్రతిపక్షం లో ఉన్న తెలుగుదేశం మరి ఎందుకు పట్టించుకోలేదో తేలేదు కానీ, ప్రజారాజ్యం మాత్రం serious గా తీసుకున్నట్లుంది. ఇంతకు ముందు కొన్ని సమస్యలపై ప్రజారాజ్యం ఉద్యమాలు చేసినా (ఉదా: విద్యుత్ కోత, కాకినాడ గాస్) అవి ముఖ్యంగా ఒకటి రెండు రోజులు మాత్రమే సాగాయి. మొదటి సారి ఇప్పుడు ఏకంగా ఇలాంటి సమస్యపై ఇంత పెద్ద ఎత్తున ఉద్యమించటం అభినందనీయం. రైతులకు అవగాహన పెంచటం కోసం CD కూడా రూపొందించారట. కచ్చితంగా ఇలాంటి నిజమైన ప్రజాహిత కార్యక్రమాలు, ఉద్యమాలు ప్రభుత్వం పై ఒత్తిడి పెంచుతాయని భావిద్దాం.

మొత్తానికి ప్రజారాజ్యం మంచి నిర్మాణాత్మక ప్రతిపక్షంగా ఎదుగుతుంది అనిపిస్తుంది.

All The Best PRP.

చిరoజీవి తెలంగాణ ద్రోహి కాదు...

2010-04-22T01:38:00.000-07:00

సమైక్యరాష్ట్రం కోరుకొనే వాళ్ళు తెలంగాణ ద్రోహులు కాదు. రాష్ట్రం లో ఎవరి అభిప్రాయాలు వారికి ఉంటాయి. తెలంగాణ ప్రజలలో కూడా సమైక్యం కోరుకొనే వాళ్ళు ఉన్నారు.

ద్రోహి అంటే పైకి ఒకటి చెప్తూ వెనకాల వెన్నుపోటు పొడిచే వారు.
ఉదా:
1) తెలంగాణ తెచ్చేది ఇచ్చేది కాంగ్రెస్సే అని తెలంగాణ లో చెప్తూ తెలంగాణ ను అడ్డుపెట్టుకొని పెద్ద పెద్ద పదవులను కొట్టేసి తెలంగాణా కి పైసా పని చేయని కాంగ్రెస్ సీనియర్ నాయకులు తెలంగాణ ద్రోహులు.
2) తెలంగాణ కు అనుకూలం అని చెప్తూ సీమాంధ్ర లో నిరాహార దీక్షలు, బస్సు యాత్రలు చేయించి అక్కదేమో సమైక్యం అని, ఇక్కడేమో జై తెలంగాణా అని రెండు ప్రాంతాల ప్రజలను మభ్య పెడుతున్న తెలుగుదేశం రెండు ప్రాంతాల ద్రోహి
౩) అదుగో తెలంగాణ, ఇదిగో తెలంగాణా అంటూ ఉద్యమం పేరు చెప్పుకొని డబ్బులు గుంజుకుంటూ, సొంత నియోజక వర్గం లో వరదలు వచ్చి అంతా పోతే కనీసం ఏమీ చేయకుండా...దోపిడీ దారులు, వలస వాదులు, ఉద్యోగాలు, వివక్ష, వెనకబాటుతనం అంటూ రెచ్చగొట్టుడు ప్రసంగాలు చేసి అమాయక విద్యార్ధుల ప్రాణాలు బలి దీసుకొని, చివరికి శ్రీకృష్ణ కమిటీ దగ్గర స్వయంపాలన అంటూ మాట మార్చి, సమ్మగా ఇప్పుడు పార్టీ ఆవిర్భావ దినోత్సవం కోసం మీటింగులు పెట్టుకుంటున్న kcr/TRS తెలుగు ప్రజల అతి పెద్ద ద్రోహి.

వీళ్లందరు చేసిన ఏ ఒక్క దుర్మార్గపు పని చిరంజీవి చేయలేదు. తన నిర్ణయం మార్చుకున్నాడు తప్ప, నిర్ణయం మార్చుకోలేదు అని చెపుతూ రెండు ప్రాంతాలు, రెండు నాల్కలు, రెండు కళ్ళు అని వేదాలు వల్లే వేయట్లేదు.

చివరిగా: చిరంజీవి కి సమైక్యంగా ఉండాలంటు తెలంగాణ లో పర్యటించే అన్నీ హక్కులు ఉన్నాయి. Really looking forward to it.

పదునెక్కుతున్న చిరు మాటలు

2010-04-22T01:11:00.000-07:00

రాష్ట్ర కమిటీ సమావేశం లో చిరు ఉద్వేగంతో చేసిన ప్రసంగం బాగుంది. ఎంతో ఆకర్షణ ఉన్న సినిమా రంగంలో 30 యేళ్లుగా character/వ్యక్తిత్వం కాపాడుకున్నాను అంటూ తెలుగు బిడ్డనైన నాకు రాష్ట్రం సమైక్యంగా ఉండాలంటూ తెలంగాణా లో పర్యటించే అన్ని హక్కులు ఉన్నాయి అని చెప్పటం బాగుంది. ఇది చాలా correct. సమైక్యంగా ఉండాలని కొంత మంది తెలంగాణా వారు కూడా కోరుకుంటున్నారు. సమైక్యం అన్నంత మాత్రాన వారిని తెలంగాణా దోషులుగా TRS చిత్రించటానికి ప్రయత్నించటం దారుణo.

ప్రజారాజ్యం నివేదిక సమర్పణ

2010-04-08T20:59:00.001-07:00

రాష్ట్రం లో వెనుకపాడిన జిల్లాలే ఉన్నాయి ప్రాంతాలు కాదు అన్న statement నూటికి లక్ష పాళ్లు correct. నివేదికతో పాటు కొన్ని పరిష్కారాలను సూచించటం కూడా బాగుంది. TDP, congress లాగా ద్వంద్వ వైఖరితో double game ఆడకుండా ఒక స్పష్టమైన, కఠినమైన నిర్ణయాన్ని తీసుకొని ఆ మేరకు నివేదిక ఇచ్చిన ప్రజారాజ్యానికి మరో సారి అభినందనలు. TDP, congress లకు రాష్ట్రం లో వాళ్ళ వాళ్ళ పార్టీలను కాపాడుకోవటమే కావాలి తప్ప రాష్ట్ర ప్రజల బాగు కాదు అని చెప్పటానికి తెలంగాణ అంశం ఒక్కటి చాలు. TDP, congress go back. Jai ప్రజా రాజ్యం.

శ్రీకృష్ణ కమిటీ కి ప్రజా రాజ్యం నివేదిక

2010-03-19T06:46:00.000-07:00

ప్రధాన పార్టీలైన తెలుగుదేశం, కాంగ్రెస్స్ నివేదిక ఎలా సమర్పించాలో కూడా నిర్ణయించుకోలేని స్థితి లో ఉంటే కొత్త పార్టీ అయిన PRP ఒక స్పష్టమైన నిర్ణయం తో నివేదిక ముసాయిదా తయారుచేయటం ఆలోచించదగ్గ విషయం. ఒక విషయం పై తమ వైఖరి కూడా స్పష్టంగా చెప్పని ఈ పార్టీలు రెండు ప్రాంతాలవారిని మభ్యపెడుతూ ద్వంద్వ వైఖరి అవలంబించటం దారుణం.

నేను వార్తలలో చూసినంత వరకు ఇప్పటి వరకు లగడపాటి రెండు మూడు నివేదికలు, టిజి వెంకటేష్ ఒక నివేదిక సమైక్యాంధ్ర గురించి ఇవ్వగా, TVS వాళ్ళు తెలంగాణ తరుపున రెండు నివేదికలు సమర్పించారు. ఇక మొదటి నుంచి తెలంగాణ వాదం నెత్తిన పెట్టుకున్న TRS ని ఏమనాలో మాత్రం అర్థం కావట్లేదు. మాకు అక్కడ అన్యాయం జరిగింది, ఇక్కడ జరిగింది అని మీడియా సమావేశం లో ఆంధ్ర/సీమ ల మీద దొంగల ముద్ర వేసిన వీళ్ళు నివేదిక సమర్పించటానికి ఇన్ని రోజులు ఎందుకో అర్థం కాదు. అసలు ఏమీ లెక్కలూ లేకుండా ఇన్నాళ్లు ఇన్ని ఆరోపణలు ఎలా చేశారో వాళ్లకే తెలియాలి. మరి TRS పార్టీ సంగతి పక్కన పెడితే professors అని చెప్పుకుంటున్న కోదండరామ్, జయశంకర్ లు నివేదిక తయారు చేయకుండా యే గడ్డి పీకుతున్నారో వాళ్లకే తెలియాలి. తెలంగాణ గురించి ఉత్తిత్తి సంధార్భాలలో మీడియా లో ప్రగల్భాలు పలికే జీవన్ రెడ్డి, దామోదర్ రెడ్డి, వీహెచ్, కాకా, కేకే, అందరికన్నా మించి మధుయాస్కీ వాళ్ళ వాళ్ళ నివేదికలు ఎందుకు సమర్పించట్లేదో వాళ్లకే తెలియాలి. రాజ్యసభ సీటు కోసం వెహెచ్ అన్నీ మూసుకొని అధిష్టానాన్ని వెనకేసుకొస్తున్నాడు. కమిటీ నిర్ణయం అనుకూలంగా లేక పోతే రాజీనామా చేస్తాడట మధుయాస్కీ గాడు. అనుకూలంగా రావటానికి మీరెవరన్నా నివేదికలు సమర్పిస్తే కదా. ఇంకా ఎన్నాళ్ళు తెలంగాణ sentiment అని చెప్పి అమాయకపు విద్యార్ధుల ప్రాణాలు బలిగొంటారు? ఎన్నాళ్ళు మీరు మీ పదవుల్లో తెలంగాణా కు ఏమీ వెలగబెట్టలేక కోస్తా సీమల మీద విష ప్రచారం చేస్తారు?

ఇక మంచో చెడో ఒక నిర్ణయం తీసుకున్న చిరంజీవి కి అభినందనలు. ఇంక ప్రజారాజ్యం రాసిన పాయింట్లలో నాకు నచ్చినది పసుపు పచ్చ రంగు లో అలికాను. ఒక తెలంగాణ వ్యక్తి, రాయలసీమ నుంచి పోటీ కి నిలబడితే ఒక కోస్తా వ్యక్తి అతనికి పోటీ కూడా పెట్టకుండా ఉండటం అనేది ప్రాంతాలు వేరైనా తెలుగు వాడు ఒక్కటే అన్న ఇకమత్యాన్ని సూచిస్తుంది. ఈ విషయం లో తెలుగు వారి ఆరాధ్యదేవుడు NTR rocks. ఆయన ఇప్పుడు ఉండి ఉంటే తెలుగు జాతి కలిసే ఉండాలి అనే నినాదంతో బహుశా మొదట తెలంగాణా లోనే పర్యటించేవాడేమో, ఆయన వాక్పటిమకి తెలంగాణా సోదరులు అగ్ర తాంబూళం పట్టి నీరాజనాలు పలికే వారేమో. ఎంతైనా NTR లేని లోటు తెలుగుజాతికి పూడ్చలేని లోటు.

చిరు వెంటే బాబు :)

2010-03-01T22:43:00.001-08:00

రైల్వే బడ్జెట్ గురించి ముందు చూపేది?

2010-02-22T01:50:00.000-08:00

రైల్వే బడ్జెట్ లో అన్యాయం జరగగానే అందరూ విమర్శించటం, కేంద్ర మంత్రులు కొద్దిగా అసంతృప్తి నటించి తర్వాత చిన్నగా ఒక వినతి పత్రం సమర్పించటం, దాన్ని రైల్వే వాళ్ళు ఒక చెత్త బుట్ట లో పడేయటం, ఒక వారం రోజులు కాగానే మీడియా ఇంకో కొత్త సంచలనాత్మక వార్తను ఎంచుకొని ఈ సమస్యను గాలికి వదిలేయటం, చిన్నగా అందరూ ఈ విషయాన్ని మర్చిపోవటం. ఇది ప్రతి సంవత్సరం మార్చి లో మన రాష్ట్రం లో జరిగే తంతే. ఈ మాత్రం దానికి మనకు కేంద్రం లో మంత్రులు, MPs అవసరమా, రాష్ట్రంమ్ లో ప్రభుత్వం, ప్రతిపక్షం అవసరమా? ఇక 30 యేళ్లుగా రాజకీయాల్లో ఉండి, 9 యేళ్లు ముఖ్యమంత్రి గా ఉన్న పెద్దాయన, ఒక రోజు అకస్మాత్తుగా నిద్ర లేచి "అసలు రాష్ట్రం లో ప్రభుత్వం ఉందా" అని ఒక statement మీడియా కి పడేసి మళ్ళీ ఎప్పుడు ప్రభుత్వాన్ని విమర్శించే అవకాశం వస్తుందా అని చూస్తుంటాడు తప్పితే ప్రభుత్వానికి constructive గా ఒక్క సలహా కూడా ఇవ్వడు, ప్రజలకు మేలు చేసే పని ఒక్కటి చేయడు. అంతా అయ్యాక విమర్శించటానికి మాత్రం రెడీ.

anyways, I really appreciate chiru for doing this

maya bazaar (color)

2010-02-08T20:40:00.000-08:00

Two days back I watched Maya Bazaar in color at Prasads. I must admit that this movie is one of the greatest movies we ever had. For a movie that is more than 50 year old, the theatre had packed audience. The audience age group was from 3 to 90 years and each and everyone among them was enjoying the movie to the fullest. While the elder people were enjoying the screen presence of all time greatest actors actors of telugu cinema like SVR, NTR, ANR, Gummadi, Savitri, Relangi at a single place, the children were fully enjoying the fighting sequences and the comedy done by Ghatotkacha's army and the younger croud was fully enjoying the songs and the subtle comedy in the movie. You hardly get to see any movie these days which appeals to such wide age group of audience.
Coming to me, I have fully enjoyed each and every scene in the movie. The sensible and delicate comedy present in many scenes made me even bigger fan of old movies. Felt that each and every scene in the movie was made after detailed thinking and even smaller detail was not missed. The highlights of the movie are
1) Actors performance: Each and every actor in the movie was apt for their role ..be it NTR as srikrishna, Savitri as Sasirekha, or SVR, ANR, Relangi, Ramanareddy..the best casting you can ever imagine. Savitri' action was too good in the movie. Especially when Ghatotkacha enters into her body, her action was awesome. If you are non telugu but want to know how Sri Krishna might have looked like, you have to watch this movie. After watching this movie, when you think of SriKrishna, NTR would come to your mind. I need not say anything about the screen presence, dialogue delivery, action of SVR as Ghatotkacha...I am one of those who believe SVR is the greatest actor we ever had in telugu film industry even better than NTR, though I have my biggest respect for NTR.
2) songs: When "lahiri lahiri lahiri lo..." song started there were claps and whistles whose magnitude was comparable to the response you typically get in a hero's entry scene latest movies. Can you imagine such a response for a movie that was made half a century back? The claps got only bigger in the later part of the song when Srikrishna & Rukmini (NTR and his wife in the movie) go for boating to save Abhimanyu and Sasirekha (ANR and Savitri) from being seen by Sasirekha's parents. And ofcourse then comes the bigger highlight of Balarama and his wife (Gummadi and ?) going for boating and singing again "lahiri lahiri lahiri lo..." .. It was real fun as I never saw gummadi in such romantic scenes. In one of the latest interviews, ANR was telling that this song was shot during day time. But that is never felt in the song when you actually see it on screen, you really feel like it is one of those awesome full moon days.
The other songs like "vivaha bhojanambu", "neevena nanu talachinadi", "sundari" also received very good response.
3) The other highlights are the screenplay of the movie, the special effects in the movie. In the song of "Vivaha bhojanambu", it is still difficult to imagine how they shot the scene of SVR eating laddus in a single shot. All credit to the director, camera man and the producers of the movie.
4) Colors: Goldstone Technologies has done a wonderful job of making the movie into colors and I believe the success of the movie would encourage more companies attempting such things.

In the last I would say that, even if you have the slightest interest for old telugu movies, this is a must watch and you will not regret that experience.

సంక్రాంతి ని పొంగల్ చేయకండే!

2010-01-14T01:24:00.000-08:00

అరవం ఎఫెక్ట్ అంటే ఇదేనేమో. అట్టు దోశ అయింది, చారు కాస్తా సాంబార్ అయింది. కనీసం సంక్రాంతి ని అన్నా సంక్రాంతి అని చక్కగా పిలుచుకుందాం.

అందరికీ సంక్రాంతి శుభాకాంక్షలు.

తెలంగాణ, సమైక్య ఉద్యమాలకు పరిష్కారమేంటి?

2010-01-04T05:02:00.000-08:00

తెలంగాణా నాయకులకు తెలంగాణా రాష్ట్రం కావాలి. రాష్ట్రం ఏర్పడితే రెండో స్థాయిలో ఉన్న నాయకులకు పెత్తనం వస్తుంది, హైదరాబాదును దోచుకోవచ్చు, అధికారం చలాయించవచ్చు, ఆంధ్రా వ్యాపార సంస్థలను బెదిరించి డబ్బులు పిండుకోవచ్చు. తెలంగాణా ప్రజలకు తెలంగాణా రాష్ట్రం కావాలి, ప్రత్యేక వాదులు ఊదరగొట్టినట్లు రాష్ట్రం ఏర్పడితే ఏమన్నా అభివృద్ధి జరుగుతుందేమోనని, కొత్త ఉద్యోగాలు వస్తాయేమోనని, జీవితాలు ఏమన్నా మారతాయెమోనని. ఆవేశం లో ఉన్నవాళ్లకు, లేని ఉద్యోగాలు ఎక్కడినుంచి వస్తాయని, రాజకీయ వ్యవస్థ మారకుండా జీవితాలు ఎలా మారుతాయని చెప్పినా అర్థం కాదు.
ఇక కోస్తాంధ్ర, సీమ ప్రజల విషయానికి వస్తే కలిసి ఉంటే కలదు సుఖం అనుకుంటున్నారు. ఒకే భాష వాళ్ళు విడిపోతే ఎలా అని ఆలోచిస్తున్నారు.

ఇవన్నీ సంతృప్తి చెందేలా ఒక పరిష్కారం ఆలోచిద్దాం.
ఇప్పటి వరకు తెలంగాణా వాదులు ప్రత్యేక రాష్ట్రాన్ని కోరుకోవటానికి పైకి చెప్పే కారణాలు ఈ కిందవి గా కనిపిస్తున్నాయి.

1) తెలంగాణా జిల్లాల్లో అభివృద్ధి లేదు. ఆంధ్రా ప్రాంతాలు బాగా అభివృద్ధి చెందాయి.
2) ఇది తెలంగాణా ఆత్మ గౌరవ సమస్య, ఆంధ్రా వలస పాలకులు మాకొద్దు. మా తెలంగాణా ను మేమే పాలించుకుంటాం.
3) "మా తెలంగాణా" సంపద, (ఇక్కడ చెప్పినా చెప్పకపోయినా వాళ్ళ ఉద్దేశం "మా హైదరాబాదు") ఉద్యోగాలను వలస ఆంధ్ర వాళ్ళు దోచుకుంటున్నారు.

ఇందులో మొదటి సమస్య "అభివృద్ధి":
తెలంగాణా నాయకులు గత పది సంవత్సరాలుగా అభివృద్ధి గురించి చేస్తున్న వాదనలలో ఏమాత్రం పస, రుజువు లేదు. ఇప్పటి వరకు ఈ అంశం మీద ప్రచారం చాలా ఏకపక్షం గా జరిగింది. ఏదో ఒకట్రెండు GO లనుపట్టుకొని హరీష్ రావ్ అస్సెంబ్లీ లో స్పీచ్ ఇవ్వగానే, "excellent speach on telangana" అంటూ youtube లో videO పెడతారు, జనాలు దాన్ని చూస్తారు కానీ మిగతా GO లలో తెలంగాణా కు భారీగా నిధులు మళ్లినా, అది అవసరం లేదు, అలాంటి వాటిని బయిటకు చెప్పే నాధుడే లేడు. విచిత్రం ఏంటంటే ఏ తెలంగాణా నాయకుడు కూడా ఇప్పటి వరకు ఆంధ్ర ప్రదేశ్ ఏర్పాడ్డాక 1956 నుంచి ప్రభుత్వ నిధులు ఏఏ ప్రాంతానికి ఎంతెంత ఖర్చు పెట్టారో అడగలేదు. ఎందుకంటే ఎక్కడో మూలాన వాళ్ళకు కూడా తెలుసు నిజాలు. గమ్మత్తేంటంటే అలాంటి శ్వేతపత్రం లగడపాటి, ఉండవల్లి లాంటి ఆంధ్ర నాయకులు అడగటం. ఇక్కడ కిటుకు ఏంటంటే తెలంగాణా అభివృద్ధి లో ఆంధ్రా తో సమానంగా ఉంది అని కాదు, ఇప్పటికీ వెనక పడే ఉంది, కానీ 1956 లో ఆంధ్రా కి తెలంగాణా కి ఉన్న వ్యత్యాసం కన్నా ఇప్పుడు ఉన్న వ్యత్యాసం చాలా తక్కువ. దానికి కారణం సమైక్యాంధ్రప్రదేశ్.
సరే ఆ సంగతి పక్కన పెట్టి అభివృద్ధి సమస్య కు పరిష్కారం ఆలోచిద్దాం. ఇది అన్నటికన్నా సులువైన సమస్య. దీనికి పరిష్కారం అభివృద్ధి చేసుకోవటం కానీ, రాష్ట్రాన్ని విడదీయటం కాదు. ఎందుకంటే రాష్ట్రాన్ని విడగొట్టాక కూడా అభివృద్ధే కదా చేసుకొనేది, అలాంటప్పుడు అదేదో ఇప్పుడే చేసుకోవచ్చు, పైగా సమైక్య రాష్ట్రం లో ప్రభుత్వ నిధులు ఎక్కువ ఉంటాయి కదా. ఇకపోతే రాష్ట్రంలో అభివృద్ధి లేని జిల్లాలు ఇతర ప్రాంతాల్లోనూ ఉన్నాయి కాబట్టి మౌలిక వనరుల ప్రాతిపదికన వెనకబడిన జిల్లాలను గుర్తించి వాటన్నిటికి నిధులు కేటాయించవచ్చు. తెలంగాణా లో ఎక్కువ వెనకబడిన జిల్లాలు ఉన్నాయి కాబట్టి ఈ నిధులలో సింహభాగం తెలంగాణా కే దక్కుతుంది కాబట్టి తెలంగాణా వాదులు కంప్లయింట్ చేయాల్సిన పని లేదు.

ఇక రెండోది: ఆత్మ గౌరవ సమస్య, మమ్మల్ని మేమే పాలించుకుంటాం:
నా దృష్టిలో ఇది అర్థం పద్ధo లేని, అనుమానాస్పదమైన ప్రకటన. ఇప్పుడు తెలంగాణ ను ఎవరు పాలిస్తున్నారో చూద్దాం. ప్రస్తుతానికి తెలంగాణా ఆంధ్ర ప్రదేశ్ లో ఉంది కాబట్టి ఆంధ్రప్రదేశ్ ప్రభుత్వం తెలంగాణ ను పాలిస్తుంది. ప్రభుత్వం అంటే ముఖ్యమంత్రి, మంత్రులు, అధికారులు. అధికారులు ఎలాగూ దేశం లో ఎక్కడివాళ్లైనా అయ్యుండొచ్చు. కాబట్టి వాళ్ళ గురించి ఇక్కడ చర్చ అనవసరo. ఇక మంత్రులు: వాళ్ళు మూడో వంతుకు పైగానే తెలంగాణ నుంచి ఉన్నారు. కాబట్టి అధికారులు, మంత్రుల విషయం లో ఆత్మ గౌరవం అర్థరహితం. ఇకపోతే మిగిలింది ముఖ్యమంత్రి. ఈయన కోస్తాంధ్ర వ్యక్తి. కాబట్టి తెలంగాణా వాదులు వాదించే ఆత్మ గౌరవం ఒక్క ముఖ్యమంత్రి పదవి గురించే అనిపిస్తుంది. తెలంగాణా నాయకులు ఆంధ్రప్రదేశ్ ఏర్పాడ్డాక ముఖ్యమంత్రి పదవుల్లో ఎక్కువ కాలం లేరన్నది వాస్తవం. కాబట్టి కొన్ని సంవత్సరాలు అన్నీ పార్టీలు తెలంగాణా వాళ్లనే ముఖ్యమంత్రులను చెయ్యాలి. అలా ఒక 10 - 15 యేళ్లు అయ్యాక అప్పటికి అన్నీ ప్రాంతాల వారు సమానంగా పాలించినట్లు అవుతుంది. అప్పటి నుంచి రొటేషన్ పద్ధతి లో ఒక్కో ప్రాంతం వారికి ముఖ్యమంత్రిగా అవకాశం ఇవ్వాలి. ఈ పరిష్కారం తెలంగాణ వాదులకు నచ్చకపోయినా వాళ్ళు ఏమీ చేయలేరు, ఎందుకంటే వాళ్ళకు సంతృప్తి కలగాలంటే వాళ్ళు చేయాల్సింది ప్రత్యేక రాష్ట్ర ఉద్యమం కాదు, ప్రత్యేక దేశం ఉద్యమం. ఎందుకంటే రాష్ట్రం ఏర్పడినా వాళ్ళను కేంద్రం అంటే ప్రధాన మంత్రి పాలిస్తాడు కాబట్టి. So "ఆత్మగౌరవ సమస్య" is also solved.

ఇక మూడోది: తెలంగాణ/హైదరాబాద్ సంపద/హైదరాబాద్ ఫ్రీజోన్ కాదు:
ఇక్కడ తెలబాన్లు చేసే ప్రకటనలు "ఆంధ్ర పెట్టుబడి/భూకబ్జా దారులను, వ్యాపార సంస్థలను తరిమి కొడతాo". ఇందులో చివరిది ప్రత్యేక రాష్ట్రం ఏర్పడ్డా అసలు జరిగే పని కాదు ఎందుకంటే రాజ్యాంగం ప్రకారం దేశ పౌరులు ఎక్కడైనా స్థలాలు కొనుక్కోవచ్చు, వ్యాపారాలు చేసుకోవచ్చు. ఈ విషయం లో ఒక తెలంగాణా వ్యక్తికి ఎన్ని హక్కులు ఉంటాయో మిగతా రాష్ట్రాల వాళ్ళకు కూడా అన్నే ఉంటాయి.
సరే హైదరాబాద్ ఉద్యోగాల సంగతి కి వద్దాం. కోస్తాంధ్ర, రాయలసీమ వాళ్ళు ఎక్కువగా ఇక్కడికి తరలి రావటానికి కారణం ఇక్కడి ఉపాధి సౌకర్యాలు. రాష్ట్ర రాజధాని అవ్వటం చేత, రాష్ట్రంలో ఎక్కడా లేని విధంగా వివిధ రంగాలు అభివృద్ధి చెందుతుండటం వల్ల ఇక్కడ ఉపాధి మార్గాలు అనేకం. అలాగే రాష్ట్ర రాజధాని కావటంతో వివిధ ప్రభుత్వ శాఖల హెడ్ఆఫీస్ లు హైదరాబాద్ లో పెట్టడం జరిగింది, దాని వల్ల ప్రభుత్వోద్యోగాలు ఇక్కడ అత్యధికం. ప్రత్యేక రాష్ట్రం ఏర్పడితే ఈ ఉద్యోగాలు తెలంగాణ ప్రజలకు వస్తాయనుకోవటం భ్రమ ఎందుకంటే అప్పుడు చిన్న రాష్ట్రానికి అంత మంది ఉద్యోగుల అవసరం ఉండదు కాబట్టి. మళ్ళీ ముందు అనుకున్నట్లు private సంస్థల్లో ఆంధ్ర వాళ్ళ పోటీ ఉందనే ఉంటుంది.
సరే దీనికి పరిష్కారం ఏంటి? రాష్ట్ర రాజధాని కాబట్టి వలస ఆంధ్ర వాళ్ళు వచ్చి ఉంటున్నారు, ఉద్యోగాలు చేస్తున్నారు. అదే రాజధానినే కోస్తాంధ్ర/రాయలసీమ కు తరలిస్తే? ఈ ఆలోచనేదో అధ్భుతంగా ఉన్నట్లుంది. ఒక్క దెబ్బ కి రెండు పిట్టలు. ఆంధ్ర వాళ్ళు పెట్టుబడి దారులు, ఉద్యోగులు, వ్యాపారులు అందరూ కొత్త రాజధానికి చెక్కేస్తారు. హైదరాబాద్ లో వాళ్ల పీడా విరగడైపోతుంది. పొమ్మనకుండా పొగ పెట్టడం అంటే ఇదేనేమో! ఆ చేసే రాజధానేదో ఏ కర్నూల్,కడప జిల్లాలోనో లేక ఏ ప్రకాశం జిల్లాలోనో బాగా బీడు భూములు ఎక్కువగా ఉన్న చోట చేస్తే అక్కడ అభివృధ్ధి జరుగుతుంది, విజయవాడ, గుంటూర్ లాంటి ఊళ్లలోని పొలాలు కూడా నాశనం కాకుండా ఉంటాయి, రాష్ట్రంలోని మిగతా అన్నీ ప్రాంతాలకు దగ్గరగా ఉన్నట్లు అవుతుంది. ఎక్కడో తెలంగాణా వాదులు నన్ను బండబూతులు తిడుతున్నట్లు వినిపిస్తుంది. ఆగండాగండి మీకు విషయం అర్థం అయినట్లు లేదు. రాజధానిని హైదరాబాదు నుంచి ఆంధ్రా కి తరలించటం వల్ల ఎక్కువ గా లాభపడేది తెలంగాణా నే! ఎలా అంటారా? ఉదాహరణ కు, తెలంగాణా లో ఆంధ్రప్రదేశ్ ఆదాయం లో 40 శాతం ఖర్చు పెడతారు అనుకుందాం. అందులో హీన పక్షంలో హైదరాబాదు కే దాదాపు సగం అంటే 20 శాతం ఖర్చు పెడతారు, ఎందుకంటే రాష్ట్ర రాజధాని, రాష్ట్రంలోని నలుమూలలనుండి ఇక్కడికే వస్తారు కాబట్టి మౌలిక సదుపాయాలకు బాగా ఖర్చు అవుతుంది. సొ హైదరాబాద్ లో ఖర్చు పోగా మిగిలిన 20 శాతం 9 తెలంగాణా జిల్లాల్లో ఖర్చు పెడతారు. అదే ఇప్పుడు హైదరాబాదే రాష్ట్ర రాజధాని కాదనుకోండి, అప్పుడు ఇప్పట్లాగా అందరు హైదరాబాద్ కు ఎగబడరు, ఇప్పటికే అంత ఇంఫ్రాస్ట్రక్చర్ బాగా ఉంది కాబట్టి హైదరాబాద్ ఖర్చు భారీగా తగ్గిపోతుంది. తెలంగాణా కు ఖర్చు పెట్టాల్సిన మొత్తం 40 శాతం ఆదాయం అలానే ఉంటుంది కాబట్టి తెలంగాణ 9 జిల్లాలకు ఇప్పుదు మనం 40 శాతం రాష్ట్ర ఆదాయం ఉంది. ఇది సక్రమంగ తెలంగాణా జిల్లాల్లో ఖర్చు పెడితే తెలంగాణా ఎంత వేగంగా అభివృద్ధి చెందుతుందో ఆలోచించండి. ఇలా రాజధాని ని మార్చటం విన్ విన్ సిచువేషన్.

ఎలాగూ ఇన్ని మార్పులు చేస్తున్నాం కాబట్టి మన ఆంధ్రప్రదేశ్ పేరు కూడా అన్నీ ప్రాంతాలకు ప్రాతినిథ్యం వహించేటట్లు ఏ "తెలుగు నాడు/తెలుగు దేశం" అనో లేక "తెలంగాణాంధ్రసీమ" అనో మార్చేసుకుంటే భవిష్యత్తు లో మళ్ళో కెసిఆర్ పుట్టకుండా ఉంటాడు. So ఇప్పుడు రాష్ట్రం లో ఉన్న అన్నీ సమస్యలకు పరిష్కారo "తెలంగాణాంధ్రసీమ" రాష్ట్రాన్ని "కర్నూలు/కడప/ప్రకాశం" రాజధానిగా ఏర్పాటు చేసి, ఒక తెలంగాణ వ్యక్తి ని వచ్చే 15 సంవత్సరాల వరకు ముఖ్యమంత్రిని చేసి వెనకబడిన ప్రతి జిల్లా కి ప్యాకేజీ ప్రకటిస్తే సరి.
ఇలా తెలంగాణ వారి సమస్యలు, సమైక్యాంధ్ర వారి సమస్యలు అన్నీ తీరతాయి ఈ పరిష్కార మార్గం తో. ఏమంటారు?

చిరంజీవి అభిప్రాయం మార్చుకుంటే తప్పేంటి?

2009-12-17T01:53:00.000-08:00

మొత్తానికి తన రాజకీయ జీవితం లో మొట్టమొదటి సారి ఒక సాహసం తో కూడిన నిర్ణయాన్ని తీసుకున్నాడు చిరంజీవి. తీవ్ర నిరసనలు ఎదురు అవుతాయని తెలిసినా, ఆంధ్రా మొత్తం లో ఎక్కువ సినిమా రెవెన్యూ కలిగిన తెలంగాణా లో తన కుటుంబం మొత్తం సినిమాలను ఆడనివ్వమంటూ ఉల్టిమేటం లు జారీ చేసి సాంపుల్ గా కొన్ని షో లు జరగకుండా ఆపినా కూడా సమైక్యాంధ్రా వైపు అడుగు వేసిన తీరు బాగుంది. ముప్ఫై యేళ్లనుంచి రాజకీయాల్లో ఉన్న పార్టీ నేతలు కూడా వేచి చూద్దాం లే అని తమ ధోరణి ఏంటో చెప్పకుండా నాన్చుతున్నప్పుడు చిరంజీవి ఒక పార్టీ అధినేత గా ఇంతటి సాహసోపేతమైన నిర్ణయం తీసుకోవటం సమైక్య వాదులకు హర్షణీయం.

వచ్చిన చిక్కల్లా ఏంటంటే చిరంజీవి ఇంతకు ముందు "సామాజిక తెలంగాణా" అని చెప్పటం. అప్పుడు రాష్ట్రం మొత్తం మీద ఒక్క తెలంగాణా వాదమే వినిపించింది. కెసిఆర్ లాంటి వాడితో వాదించటం పేడ మీద రాయి వెయ్యటమే అని అనుకున్నారో ఏమో కానీ పెద్దగా సమైక్య వాదులు తమ అభిప్రాయాలను బహిరంగంగా వెల్లిబుచ్చలేదు అప్పట్లో. దాంతో సహజంగా ఇన్నాళ్లు నాణేనికి ఒక్క వైపే కనపడింది అందరికి. చిరంజీవి కూడా అదే గమనించి సహజం గానే తెలంగాణా కి మద్దతు ఇచ్చాడు. ఇక ఎప్పుడైతే చిదంబరం ప్రకటన వెలువడిందో సీమాoధ్రలలో పెల్లుబికిన ఆగ్రహం మాటకలందనిది. ఎందుకంటే ఇక్కడ యూనివర్సిటీ లకి వెళ్ళి ఎవరు విద్యార్ధులను రెచ్చగొట్టలేదు, జిల్లా కేంద్రాలలో మీటింగ్లు పెట్టి భాగో జాగో అని పిలుపులు ఇవ్వలేదు, శాంతియుతంగా ఆమరణ దీక్ష అని పైకి చెప్తూ జరగ బోయే తీవ్ర పరిణామాలకి ప్రభుత్వమే బాధ్యత వహించాలి అంటూ దీక్షా స్థలం వద్ద పెట్రోల్ కాన్ లు ఏర్పాట్లు చేసుకోలేదు, మా గురించి చులకనగా రాస్తే శివసేన లాగా పత్రికల మీద దాడులు చేస్తాం అని చెప్పి మీడియా ని బెదిరించి మద్దతు ఎవరూ అడగలేదు, ఇవేమీ జరగకపోయినా, ప్రకటన వచ్చి పట్టుమని పది గంటలు కాకముందే జనాలందరు రోడ్లపైకి వచ్చారు, 15 గంటల్లో సగం శాసనసభ ఖాళీ అయింది. ఇది చాలు సమైక్య ఉద్యమం తీవ్రత ని తెలపటానికి. మొత్తానికి చిరు లేటు గా అయినా లేటెస్ట్ గా ఈ దిశగా అడుగులు వేయటం నాకు తప్పుగా అనిపించట్లేదు.

ఇకపోతే విమర్శల విషయానికి వస్తే అవి చిరంజీవితో ఎప్పుడూ ఉండేవే. రాజకీయాల లోకి రానంత వరకు భయం కాబట్టి రావట్లేదని, వచ్చాక ఇంకా వెళ్లిపోవటం బెటర్ అని, సామాజిక తెలంగాణా అన్నప్పుడు వోట్లు వెయ్యని వారు కూడా ఇప్పుడు మాత్రం దిష్టి బొమ్మ దగ్ధం చేయటం, సామాజిక తెలంగాణా అన్నప్పుడు తిట్టుకున్న ఆంధ్రా వాళ్ళు ఇప్పుడు హర్షించటం మానేసి మాట మార్చాడని మళ్ళీ తిట్టడం ఇవన్నీ ఎప్పుడూ ఉండేవే.

ఇప్పుడు చిరు చేయాల్సింది ఒక్కటే. సమైక్యంగా ఉంటూ కూడా సామాజిక తెలంగాణా సాధించొచ్చు అని తెలంగాణా ప్రజలకు సమైక్యాంధ్ర మీద నమ్మకం కలిగించాల్సి ఉంది. దానిలో ఉండే లాభాలు, విడిపోతే వచ్చే కష్టాలు వివరించాలి. తెరాస లాగా ఆరోపణలతో కాకుండా ఫాక్ట్స్ (నిజానిజాల) తో ప్రజల ముందుకు వెళ్లాలి. తెలంగాణా ప్రజలు అభివృద్ధి జరగలేదు కాబట్టి ప్రత్యేక రాష్ట్రం ఐతే అభివృధి జరుగుతుంది అని కోరుకుంటున్నారు, కానీ అంతకన్నా ఎక్కువ అభివృద్ధి సమైక్యంగా ఉంటే జరిగే అవకాశం ఉంది అలా జరిగింది కూడా (ఉదా: హైదరాబాదు) అని చెప్పటమే కాకుండా సభ లో తెలంగాణా వాణి ని వినిపించాలి, తెలంగాణా అభివృద్ధి కోసం పాటు పడాలి.

మరి ఈ విషయం సొంత తెలంగాణా MLA లకు కూడా చెప్పలేకపోయాడు మరి తెలంగాణ ప్రజలకు చెప్తాడో లేదో, చెప్తే వాళ్ళు వింటారో వినరో...

పచ్చని కాపురం లో చిచ్చు పెట్టిన కెసిఆర్

2009-12-13T22:44:00.000-08:00

చక్కగా ఎవరి పనులు వాళ్ళు చేసుకుపోతు, లక్ష కోట్ల బడ్జెట్ తో దేశం లోనే అతి పెద్ద రాష్ట్రం గా ముందుకు వెళ్తున్న రాష్ట్రంలో తన సొంత రాజకీయ భవిష్యత్తు కోసం రాష్ట్రాన్నే అగ్నిగుండం గా మార్చేశాడు కెసిఆర్. పొత్తు పెట్టుకోని కూడా పట్టుమని పది సీట్లు గెలవలేని వీ(రు)డు ఇంక భవిష్యత్తు అంధకారమే కానున్న తరుణo లో ఏదో ఒకటి చేసి పూర్వ వైభవం తేవటం కోసం రాష్ట్రాన్నే పణంగా పెట్టాడు.

దీనికోసం వీడు వేయని ఎత్తు లేదు. యూనివర్సిటీలకు వెళ్ళి మీకు ప్రభుత్వోద్యోగాలు రాక పోవటానికి కారణం ఆంధ్రా వాళ్ళు అని రెచ్చగొట్టాడు. అసలు ఒక రాజకీయ నాయకుడికి పాపం పుణ్యం లేకుండా విద్యార్ధులు చదువుకొనే యూనివర్సిటీలల్లో రాజకీయ మీటింగ్ పెట్టాల్సిన అవసరం ఏంటి? అయినా ఈ రోజుల్లో ప్రభుత్వోద్యోగాలు ఎన్నున్నాయి? ఎంత మందికి వస్తున్నాయి అని ఆలోచించే విచక్షణ కూడా లేదా యూనివర్సిటీ విద్యార్ధులకు? ఒక వేళ తెలంగాణా వస్తే వీళ్లందరికి ఉద్యోగాలు వస్తాయి అని కెసిఆర్ గారెంటీ ఇస్తాడా?
ప్రాంతాలతో సంబంధం లేకుండా తెలుగు మాట్లాడే వాళ్లందరి ప్రతీకగా తెలుగు తల్లి విగ్రహాన్ని తయారు చేసుకుంటే దానికి తెలంగాణా ఉద్యమానికి సంబంధం ఏంటి? బుద్ధున్న వాడు ఎవడైనా ఆ విగ్రహాన్ని ధ్వంసం చేస్తాడా? పొట్టి శ్రీరాములు విగ్రహాన్ని ధ్వంసం చేయటం ఎంత వరకు సబబు?

పాపం తెలుగు వాళ్ళ రాష్ట్రం ఏర్పడుతుంది కదా అని తమ సొంత రాజధానినే త్యాగం చేశారు సీమ వాసులు. కర్నూల్ రాజధానిగా కొనసాగి ఉంటే కర్నూల్ ఈ యాభై యేళ్లలో ఎంతలా అభివృద్ధి చెంది ఉండేది? హైదరాబాదు మన అందరి రాజధాని అనే కదా అందరూ అక్కడ పెట్టుబడులు పెట్టింది? హైదరాబాదు ఒక్క తెలంగాణా రాజధాని అయ్యుంటే అన్నీ పెట్టుబదులు వచ్చి ఉండేవేనా? 50 సంవత్సరాల క్రితమే విజయవాడ అన్నీ విషయాల్లో హైదరాబాదు కి సరి సమానంగా ఉండేది. అలాంటి విజయవాడ కి ఈ యాభై సంవత్సరాలలో ఎన్ని కంపనీలు వచ్చాయి? ఎంత అభివృధి జరిగింది?

రాష్ట్రం లోని వివిధ ప్రాంతాల నుంచి వచ్చిన మధ్య తరగతి సాఫ్ట్వేర్, ఫార్మా ఏంజనీర్లు, ఇతర ఉద్యోగులు, వ్యాపారులు 20 సంవత్సరాల హోంలోన్ అంటే సగం జీవితం సంపాదన పెట్టి హైదరాబాద్ లో ఇళ్లు కొంటున్నారు. అలా వచ్చిన డబ్బు వల్ల రంగారెడ్డి, మెదక్, హైదరాబాద్ జిల్లాల్లో అర ఎకరం పొలం ఉన్న వాళ్ళు కూడా కోటీశ్వరులయ్యి వాళ్ళ పిల్లల్ను ఇంటెర్నేషనల్ స్కూళ్లలో చదివిస్తూ స్కార్పియో లలో తిరుగుతున్నారు. ఇలాంటి ఉదాహరణలు కోస్తాంధ్ర, రాయలసీమ లో ఉన్నాయా? ఇలా జీవితాంతం సంపాదించుకొనే డబ్బుని హైదరాబాద్ కు దోచిపెడుతుంటే, సెట్లర్స్ దోచుకుంటున్నారు అని ప్రచారం చేశాడు కెసిఆర్. ఇంతకన్నా అబద్ధం ఇంకోటి ఉంటుందా? ఆమాటకొస్తే అసలు సెట్లెర్ కి నిర్వచనం ఏంటి? పక్క ప్రాంతం నుంచి వచ్చిన వాడా? పక్క ఊరి నుంచి వచ్చిన వాడా? లేక పక్క జిల్లా నుంచి వచ్చిన వాడా? హైదరాబాద్ లో 400 సంవత్సరాల నుంచి ఉన్న వాళ్ళు తెలంగాణా వాళ్ళు కూడా సెట్లర్స్ అని వాళ్లు కూడా హైదరాబాద్ ని దోచుకుంటున్నారు అంటే పరిస్థితి ఏంటి?

ఇక పోతే ఆంధ్రా వలస పాలకులు మనల్ని పాలిస్తున్నారు అని చేసిన ప్రచారం ఇంకోటి. తెలంగాణ నుంచి కూడా రాష్ట్రానికి ముఖ్యమంత్రులు, దేశానికి ప్రధాన మంత్రులు అయ్యారు కదా. మరి ఆప్పుడు మిగతా ప్రాంతాల వాళ్ళు అలానే అనుకున్నారా? వాళ్ళకి అది ఆత్మ గౌరవ సమస్య అయిందా? తెలంగాణా లో నీటి ప్రాజెక్టులు లేవు అంటే తెలంగాణా వాళ్ళు ముఖ్యమంత్రులు అయినా కూడా కట్టలేదు కదా...మరి ఇది తెలంగాణా వాళ్ళ తప్పా లేక ఆంధ్రా వాళ్ళ తప్పా? తెలంగాణా కి జరిగిన మేలు ని గురించి ఎందుకు చెప్పరు ఈ పార్టీ వాళ్ళు? ప్రతిష్టాత్మక ఐఐటి, ఇఎస్ బి, ఎన్ ఐ టి లు తెలంగాణా లో మాత్రమే ఉన్నాయి. ఇన్ఫోసిస్, మైక్రోసాఫ్ట్, రెడ్డీస్, భెల్, సింగరేణి, మొత్తం తెలుగు సినిమా ఇండస్ట్రీ, అంతర్జాతీయ విమానాశ్రయం ఇలా ఎన్నో తెలంగాణా లో ఉన్నాయి. వీటి వల్ల ఎంతో మంది తెలంగాణా వారికి మేలు జరుగుతుంది. ఇవన్నీ మర్చిపోయి నాణానికి ఒక వైపు మాత్రమే చూపించి జనాలను మభ్యపెడుతున్నాడు కెసిఆర్. విచిత్రం ఏంటంటే మిగతా అన్నీ పార్టీలు కూడా ఈ అవకాశ వాదానికి మద్దతు ఇవ్వటం.

తెలంగాణా వెనకాపడి ఉంటే దానికి కారణం అక్కడ ఉన్న రాజకీయ నాయకులు, దానికి విరుగుడు ప్రత్యేక రాష్ట్రం ఎంత మాత్రం కాదు. ప్రత్యేక రాష్ట్రం రాగానే తెలంగాణా లో ఉన్న ఇబ్బందులు అన్నీ పోతాయనుకుంటే అంత కన్నా అమాయకత్వం ఇంకోటి ఉండదు. అసలు కెసిఆర్ కి ప్రత్యేక రాష్ట్రం వచ్చాక అబివృద్ధి ఎలా చేయాలి అన్న దానికి మీద కొంచెం అవగాహన అన్నా ఉందా?
ఇక పోతే ఈ చిచ్చు లో కెసిఆర్ తర్వాత పెద్ద విలన్ మీడియా. ఒకటే సంఘటన ని పదే పదే రెవైండ్ చేస్తూ మరీ చూపిస్తూ సామాన్య జనానికి పిచ్చి ఎక్కుస్తున్నారు. వీళ్లకి కెసిఆర్, టిఆర్ఎస్ వాళ్ళు ఏడి చెప్పినా సెన్సేషనే, ఆ రోజంతా అదే వేస్తుంటారు అదేంటో మరి. మొత్తానికి ఆమరణ నిరాహార దీక్షకి కొత్త భాష్యం చెప్పి తాను సాధించాలనుకున్నది సాధించాడు ఈ కెసిఆర్. తన రాజకీయ మనుగడ కోసం తెలుగు ప్రజల మధ్య ఇప్పటివరకూ లేని స్పర్ధలు సృష్టించాడు. కెసిఆర్ లాంటి ఒక్క రాజకీయ నాయకుడుంటే ఇంకా రాష్ట్రానికి వేరే సమస్యలక్కర్లేదు. నిన్న టిజీ వెంకటేష్ చెప్పినట్లు కెసిఆర్ ఆమరణ దీక్ష చేసినా, లగడపాటి చేసినా వాళ్ళిద్దరికి ఏమీ కాదు, మధ్యలో అమాయకపు ప్రజలే బలి అవుతారు. ఇంకేముంది తెలుగు ప్రజలు తన్నుకు చావండి, అన్నెం పున్నెం ఎరుగని బస్సులను తగలబెట్టండి, దాడులు చేయండి, తెలుగు జాతినే నాశనం చేయండి.

రాజకీయంగా ఎదుగుతున్న ప్రరాపా.

2009-11-04T02:27:00.000-08:00

కాంగ్రెస్ తో పొత్తు విఫలం కూడా ప్రజారాజ్యానికి ఒకందుకు మంచిదే అయ్యింది. ముందు ముందు పొత్తులకు వెళ్ళేటప్పుడు ఎలాంటి జాగ్రత్త లు వహించాలో చెప్పకనే చెప్పింది ఈ పాఠం. పొత్తు విఫలం అవ్వటాన్ని పక్కన పెడితే రాజకీయంగా ప్రరాపా కూడా కొద్దికొద్దిగా ఎదుగుతున్నట్లు కనిపిస్తుంది. ఒకటి కాంగ్రెస్ లాంటి పార్టీ తో పొత్తు చర్చలు జరపటం ద్వారా తెదేపా లాంటి పార్టీల గొంతులో వెలక్కాయ పడినట్లయింది. ఈ రకంగా ప్రరాపా కూడా రాజకీయంగా ఎత్తులు వేయటానికి ప్రయత్నించటం బాగుంది. ఇక్కడ అన్నిటికన్నా పెద్ద కామెడీ ఏంటంటే ఎందుకు పొత్తు పెట్టుకున్నారో ప్రజలకు వివరణ ఇవ్వాలి అని తెదేపా డిమాండ్ చేయటం. మరి వాళ్ళు 2009 ఎన్నికల్లో అప్పటి వరకు బండబూతులు తిట్టుకున్న తెరాస తో పొత్తు పెట్టుకొని జనాలకు ఏమి వివరణ ఇచ్చారో వాళ్లకే తెలియాలి. ఇక పొత్తు లేకుండా ఒక్క ఎన్నికల్లో కూడా బరిలోకి దిగని వామ పక్షాల వాళ్ళు కూడా ఈ విషయం మీద తోక ఊపే వాళ్ళే.
ఈ మధ్య ప్రరాపా లో కనిపిస్తున్న ఇంకో మార్పు ఏంటంటే ఎవరన్నా విమర్శిస్తే వాళ్ల చెంప పగిలేలా సమాధానం చెప్పటం. మొదట్లో ఎవరన్నా విమర్శిస్టే వాళ్ళ పాపానికి వాళ్ళేపోతారు అని ఊరుకొనే వాళ్ళు ప్రరాపా వాళ్లు. ప్రత్యర్ధులందరు టికెట్లు అమ్ముకున్నారు అని అని భారీగా విమర్శించినా దాని మీద పెద్దగా స్పందించకపోవటం వల్ల పార్టీ కి భారీ నష్టమే జరిగింది. ఆ విషయం లేట్ గా అయినా లేటెస్ట్ గా తెలుసుకున్నట్లున్నారు. వామ పక్షాలు పొత్తు మీద విమర్శిస్తే "పొత్తుల్లో చరిత్ర సృష్టించిన మీరు మాట్లాడకుండా ఉంటే మంచింది" అన్నీ వంగా గీత గట్టి సమాధానమే చెప్పింది. తెదేపా వాళ్ళు ఒక చర్చ లో మీరు ఎందుకు విధానాలని మార్చుకొని పొత్తు పెట్టుకుంటున్నారు అని అడిగిన దానికి "సంక్షేమ పధకాలకు వ్యతిరేకం అని చెప్పిన చంద్ర బాబు మనిషికి రెండు వేలు ఇచ్చి రాష్ట్రాన్ని దివాళా తీసే పధకాన్ని తెచ్చి మీ మౌళిక మైన విధానాలనే మార్చుకున్నారు". అలాంటి మీరు మమ్మల్ని మా విధానాలు మార్చుకున్నాము అంటూ అనటం హాస్యాస్పదం అని వాసిరెడ్డి పద్మ సమాధానం బాగుంది.
ఏది ఏమైనా ప్రరాపా కి ఇలా దెబ్బ మీద దెబ్బ తగలటం వల్ల పార్టీ లో కొద్ది కొద్దిగా కసి పెరుగుతున్నట్లు కనిపిస్తుంది. మరి చూద్దాం ఈ కసి అన్నా పార్టీ ని నిలబెడుతుందో లేదో.

'చంద్రు'ని విపణి లో మరో క్షిపణి

2009-10-20T05:51:00.000-07:00

ABN ఆంధ్రజ్యోతి వార్తా ఛానెల్ ఒకటి కలిసింది 'ఈ-టీవీ', 'ఈ-టీవీ 2', 'టీవీ 5', 'ఈనాడు', 'ఆంధ్రజ్యోతి', 'సూర్య' ల గుంపుకు . ఈ ఛానెల్ ను ఏకంగా ప్రారంభం నుంచే బాబు కి అంకితం ఇచ్చినట్లున్నారు. ఇన్ని రకాల మీడియా వాళ్ళు అండగా ఉంటే ఏమైనా చేయొచ్చు అనో, లేక ఇంకో ఆయిదేళ్ల తర్వాత అధికారం జలగ లాగా పట్టుకుంటుందనో లేక ఇలాంటి పక్షపాత ధోరణి తో కూడుకొని ఉన్న ఛానెల్స్ చూస్తున్న జనాల అమాయకత్వం చూసో కానీ ఎక్కడ చూసినా బాబే వినూత్నంగా తెగ నవ్వుతూ ప్రత్యేకంగా కనిపిస్తున్నాడు ఈ ఛానెల్ వెబ్సైట్ లో. మొత్తానికి రాజశేఖరరెడ్డి పోయినప్పటి నుంచి కొత్త ఉత్సాహం వచ్చినట్లుంది బాబు అండ్ కో కి. ఇక సీట్లు ఆశిస్తున్న వాళ్లంతా ఇప్పటినుంచే గాంబ్లింగ్ మొదలు పెడుతున్నారు. ఏదో ఒక రకంగా భవిష్యత్తు లో లాభ పడటానికి ఇప్పటినుంచే బాబు కి సహకరిస్తున్నారు. మరి ఈ ఛానెల్ ప్రారంభం వెనుక ఎలాంటి మతలబులున్నాయో. సాక్షి కి ఈనాడు అండ్ కో కి తేడా ఏంటంటే ఒకడు దొంగ రూపం లో ఉన్న దొంగ, ఇంకొకడు మంచి వాడి రూపంలో ఉన్న దొంగ. దీనిలో రెండో వాడి వల్లే నష్టం ఎక్కువ. కొత్త ఛానెల్ కానీ వార్తా పత్రిక గాని వస్తుంటే ఏ పార్టీ వారిదో ఆ ఛానెల్ అని అడగాల్సి వస్తుంది చివరికి.
సరే ఇవన్నీ ఎప్పుడూ ఉండేవేలే కానీ, ఇన్ని తెలుగు న్యూస్ ఛానెల్స్ వల్ల తెలుగు వచ్చిన వారికి కొత్త ఉద్యోగావకాశాలు ఏర్పడుతున్నాయి కాబట్టి వీళ్లకి నా అభినందనలు.

మగధీర కొత్త సన్ని వేశాల తర్వాత ...

2009-09-22T08:10:00.000-07:00

కొత్త సీన్స్ ఏంటి?

- శ్రీహరి, చరణ్ కలిసి ఉదయ్గఢ్ వెళ్లి రాకుమారిని తప్పించే ప్లాన్స్ వేయటం, మధ్యలో విలంతో ఒక చిన్న ఫైఠ్, ఘోరా తో ఒక చిన్న సన్నివేశం.

సినిమా కి వాటి అవసరం ఏంటి?

-ఆ సీన్స్ లేకమునుపు చరణ్ ఉదయగఢ్ వెళ్లాక చివరి సీన్ లో అకస్మాత్తుగా స్రీహరి కనిపించటం కొద్దిగ కంటిన్యుటీ లేనట్లు గా అనిపించింది. ఆ కొత్త సీన్స్ కలిపాక కొంచెం కంటిన్యుటీ పెరిగింది.

కొత్త సన్నివేశాలు ఎలా ఉన్నాయి?

- ఎక్కువ శాతం హెలికాప్టర్ ని జీపు గుద్దే సన్నివేశం తో పోలి ఉన్నాయి. అంటే అవి చూడగానె కొద్దిగా నవ్వొచ్చే విధంగా ఉన్నాయి. ఇంకొ రకంగా చెప్పాలంటే అరవ సినిమా లో ఫైట్లలాగా ఉన్నాయి కొద్దిగా.

కొత్త సన్నివేశాల కోసం మగధీర మళ్లీ చూడాలా?

-అవసరం లేదు

తెలుగుదేశం - ఈనాడు - ఆంధ్రజ్యోతి

2009-08-20T00:21:00.000-07:00

ఈ పోస్ట్ లో ఎ2జెడ్ అన్నట్లు తొమ్మిది సంవత్సరాలు అధికారం లో ఉండి ఈ పనులు మేము చేశాం కాబాట్టి మమ్మల్ని గెలిపించండి అని అనాల్సింది పోయి పూర్తిగా కాంగ్రెస్ వ్యతిరేక వోటు మీద ఆధారపడి చిన్న పార్టీలకు వోటు వేయటం వృధా అంటూ చివరికి ఒక సీటు మాత్రమే గెలుచుకున్న లోక్సత్తా మీద కూడా ఏడవటం చాలా ఛండాలంగా ఉంది.

ఒక పక్క ప్రభుత్వం ఆపరేషన్ "ఆకర్ష్" ప్రవేశ పెట్టింది అంటూ తన రెండు పత్రికలలో గగ్గోలు పెట్టిస్తూ ఇటు పక్క "ప్రజారాజ్యం" లో ఉన్న పాత తెదేపా నేతలందరితోటి ఫోన్ లలో సంప్రదించి పార్టీలోకి రావాలని ఆహ్వానించటం, నేతలు ఎవరు తిరిగి వచ్చినా పూర్వ గౌరవం ఇస్తాం అని పబ్లిక్ గా ప్రకటనలు ఇవ్వటం ఆ పార్టీ ద్వంద్వ వైఖరికి నిదర్శనం.

అసెంబ్లీ లో ఎప్పుడు చూసినా నువ్వంత తిన్నావు, నువ్వు ఇంత తిన్నావు, నువ్వో పెద్ద ఫాక్షనిస్ట్ వి అంటూ వ్యక్తిగత విమర్శలే కాని, సరిగ్గా సమస్యల గురించి గత ఇదేళ్లలో చేసింది చాలా తక్కువ. కొత్తగా అసెంబ్లీ లో అడుగు పెట్టిన చిరంజీవి, జెపి లను చూసి కూడా వీళ్లకు బుద్ధి రావట్లేదు. మాట్లాడితే వాకౌట్ లేక పోతే నిరసనలు తప్పితే సమస్యలు పట్టవు. డే 1 నుంచి కాంగ్రెస్ ఏది చేసినా వీళ్లకు తప్పే. మాట్లాడితే కాంగ్రెస్ ది సాంకేతిక గెలుపు మాత్రమే, మేం ఓడిపోయి గెలిచాం, వాళ్లు గెలిచి ఓడిపోయారు అనటం బాబు మూర్ఖత్వానికి నిదర్శనం. 64 శాతం మంది కాంగ్రెస్ కు వ్యతిరేకంగా వేశారు అంటాడే కాని 70 శాతం మంది తెలుగు దేశానికి వ్యతిరేకంగా ఉన్న సంగతి మాత్రం ఆయనకు అనవసరం.

ఇక వీళ్లేం చేసినా వంత పాడటానికి ఒక రెండు వెధవ పత్రికలున్నాయి. నేను అనుకోవటం రామోజీ రావు, బాబు, రాధా కృష్ణ ల మధ్య రోజు కాంఫరెన్స్ జరుగుతుందేమో. ముగ్గురు కలిసి ఒక సమయం లో ఒకే ఒక వార్త ని బలంగా ప్రజల మీద రుద్దతానికి ప్రయత్నిస్తారు. నెల రోజుల క్రితం ఆపరేషన్ "ఆకర్ష్" అని ప్రభుత్వం మీద పడ్డాయి. కొన్ని రోజుల తర్వాత లోక్సత్తా పార్టీ మీద ఏడ్చాయి. ఇప్పుడు తాజాగా ప్రజా రాజ్యం మీద పడ్డాయి. ప్రజా రాజ్యం లో నాయకులు ఆనందంగానే ఉన్నా వాళ్లు పార్టీ మారాలనుకుంటున్నారు, వీళ్లు మారాలనుకుంటున్నారు అంటూ వార్తలు రాసి వాళ్లు నిజం గా తెదేపా లో చేరేటట్లు చేయటం ఈ ఆపరేషన్ లక్ష్యం. వాస్తవానికి ప్రజా రాజ్యం వల్ల తెలుగు దేశం కు ఎంత నష్టం జరిగిందో కాంగ్రెస్ కూడా అంతే నష్టం జరిగింది. కాని ఈ ముగ్గురు పని గట్టుకొని కాంగ్రెస్ కి ప్రజా రాజ్యం వల్ల లాభం అంటూ ఒకే సారి ఊదరగొడుతూ ప్రభుత్వ వ్యతిరేక వోటు పొందాలని చూస్తున్నారు. చిరంజీవి ని కాంగ్రెస్ కు ఎంత దగ్గరగా చూపిస్తే వీళ్లకు అంత లాభం అని వీళ్ల ఉద్దేశం. ఇవ్వాళ ఈనాడు లో వచ్చిన వార్తే దీనికి నిదర్శనం.

ఒక ప్రధాన ప్రతిపక్షం హోదాలో ఉండి కరువు, ధరల పెరుగుదల, కేంద్రం లో రాష్ట్రానికి జరుగుతున్న అన్యాయం, బెల్ట్ షాపులు, విపరీతంగా ఫీజుల పెంపకం, అధ్వాన్నమైన రోడ్లు, మంచి నీటి సమస్య, ప్రభుత్వ స్థలాల అమ్మకం ఇలాంటి సమస్యల పై అసెంబ్లీ లో పోరాడకుండా అసెంబ్లీ బయట ఇలా మీడియా తో కుమ్మక్కై దొంగ రాజకీయాలు చేయటం దారుణ మైన విషయం.

రెండు ప్రముఖ దినపత్రికలు అయ్యుండి ప్రజలకు నిజా నిజాలు అందించాల్సింది పోయి ఒక రాజకీయ పార్టీ కి అండగా చేరి ప్రజలను మభ్య పెట్టడం దారుణాతి దారుణం.

దుర్గాబాయి దేశ్ ముఖ్

2009-07-15T08:18:00.000-07:00

ఇవ్వాళ ఏదో ఇంగ్లీష్ పేపర్ తిరగేస్తుంటే ఇవ్వాళ దుర్గాబాయి దేశ్ ముఖ్ పుట్టిన రోజు అని ఆమె మీద మంచి వ్యాసం రాసి ఉంది. చిన్నప్పుడు ఆమె పేరు మీద ఉపవాచకం చదివినట్లు గుర్తు ఉంది కాని, అంతకు మించి పెద్దగా గుర్తు లేదు. మన రాష్ట్రానికి చెందిన అందులోను ఒక మహిళ జాతీయ స్థాయిలో అన్ని విజయాలు సాధించి అంతటి పేరు ప్రతిష్టలు పొందటం నిజంగానే అరుదు. ఇక మన ఘనత వహించిన ముఖ్యమంత్రి గారికి ఏ పధకం పెట్టినా ఇందిర, రాజీవ్ ల పేర్లు తప్ప ఇలాంటి గొప్ప వాళ్ల అందులో మన తెలుగు వాళ్ల పేర్లు అసలే గుర్తు రావు. సరే ఆయన సంగతి వదిలేస్తే తెలుగు మహిళ అని, మహిళా రాజ్యం అని, పేర్లు పెట్టుకొని బూతులు తిట్టుకోవటం తప్పితే ప్రతిపక్షాల మహిళా విభాగాలు ఎందుకు పనికి రావు. ఇక మన పత్రికలైన ఈనాడు, సాక్షి, ఆంధ్రజ్యోతి లలో కనిసం ఆవిడ పుట్టిన రోజు అని ఒక మూల కూడా రాసినట్లు లేవు. ఒక్క అంధ్రప్రభ లో మాత్రం చక్కగా దీని మీద ఒక చిన్న వ్యాసం ప్రచురించారు.

నా బంగారు పుట్టలో వేలు పెడితే నేను కుట్టనా తీరుగా మైక్రోసాఫ్ట్, గూగుల్ పోరు

2009-06-19T07:11:00.000-07:00

చిన్నప్పుడు కధల్లో చదువుకున్న ఈ సన్నివేశం ఇప్పుడు ఈ రెండు సాఫ్ట్వేర్ వీరుల మధ్య జరుగుతున్నట్లుంది. ఎవరైనా నెట్ లో ఏదన్నావెతకాలంటే చటుక్కున గుర్తొచ్చేది గూగుల్. సెర్చ్ కి అంత మార్కెట్ ఉంటుంది అని కనిపెట్టి దానికి కావాల్సిన అల్గారిథంస్ రాసి ఎంతో మంది కి డ్రీం కంపనీ అయింది గూగుల్. ఇక పోతే మెయిన్ ఫ్రేం కంప్యుటర్ లు రాజ్యమేలుతున్న రోజుల్లో వ్యక్తి గత పిసి లకు భవిష్యత్తు లో ఉండబోయే మార్కెట్ ను అంచనా వేసి దానికి తగ్గ ఆపరేటింగ్ సిస్టం తయారు చేసి ప్రపంచం లోనే అతి పెద్ద సాఫ్ట్వేర్ కంపనీ గా తయారయ్యింది మైక్రోసాఫ్ట్.

ఇక పొతే నిన్న గాక మొన్న వచ్చిన గూగుల్ ఒక్క సెర్చ్ అనే ఫీచర్ తోనే ఆన్ లైన్ ప్రకటనల తో కోట్లు గడిస్తుండటం తో ఎక్కడో మైక్రోసాఫ్ట్ కి కన్ను కుట్టింది. దానికి తోడు గూగుల్ సెర్చ్ నుంచి తన పరిధిని విస్తరించుకుంటూ చిన్నగా మైక్రోసాఫ్ట్ కి బాగా బలమున్న డెస్క్ టాప్ ఏరియా లో అదుగు పెట్టి దానికి బ్రెడ్ అండ్ బటర్ అయిన ఆఫీస్ లాంటి మీదే గురి పెట్టి చిన్నగా అప్పటిదాకా ఎదురే లేదనుకున్న మైక్రోసాఫ్ట్ కే పోటీదారు గా మారింది. దీంతో మైక్రోసాఫ్ట్ కు పుండు మీద కారం చల్లినట్లు అయింది. "మన పరిధిని మనము పెంచుకొంటూ పోకపోతే అందరూ పోటిదార్లు కలిసి తలా ఒక పక్కనుంచి వచ్చి మనల్ని ప్రెస్ చేసి మనకు ఒక పరిధి అంటూ లేకుండా చేస్తారు" అన్న సిద్ధాంతాన్ని చరిత్రను చూసి అవగతం చేసుకున్న మైక్రోసాఫ్ట్, గూగుల్ కుంభ స్థలాన్నే కొట్టడానికి నిర్ణయించుకుంది. నా బంగారు పుట్టలో ఏలు పెడితే నేను కుట్టనా అంటూ గూగుల్ కి పోటీ గా జూన్ నెలలో "బింగ్" అనే కొత్తసాఫ్ట్ వేర్ ని విడుదల చేసింది. సెర్చ్ తో ఆగకుండా ఒక అడుగు ముందుకేసి "డెసిషన్ ఇంజన్" అనే కొత్త మార్కెటింగ్ అంశం తో ముందుకొచ్చింది. దాని పనితనం కూడా మైక్రోసాఫ్ట్ నుంచి ఆశించిన దాని కన్నా మిన్నగా ఉండటంతో నిపుణులు కూడా ఇప్పటికిప్పుడు గూగుల్ స్థానానికి వచ్చ్హే నష్టం ఎమీ లేకపోయినా ఇక మీద గూగుల్ పని నల్లేరు మీద నడక కాదు అని భావిస్తున్నారు. గూగుల్ కూడా ఈ హఠాత్పరిణామాన్ని ఎదుర్కోవటానికి దాని స్థాపించిన వారిలో ఒకరైన సర్గీ బ్రిన్ ఆధ్వర్యంలో ఒక టీం ని ఏర్పాటు చేసింది అని వినికిడి. అయితే మిగతా వీక్షకులు మాత్రం ముందు ముందు ఈ కొత్త పరిణామం ఈ రెండు యోధుల మధ్య పోటీని భవిష్యత్తు లో ఇంకా తీవ్రంగా, ఆసక్తికరంగా మారుస్తుంది అంటున్నారు.
చూద్దాం ఈ పోటీలో ఎవరు గెలుస్తారో.

ప్రజా రాజ్యం తుస్సు మన్నదా?

2009-05-18T07:37:00.000-07:00

ఒక రెండు మూడు రోజుల్నుంచి ఈనాడు లాంటి విష పత్రికల వాళ్లు, మన బ్లాగు సోదరులు అందరు ప్రజా రాజ్యం తుస్సు మంది అనో ఘోరం గా ఓడింది అని అంటున్నారు. అలా అనటం ఎంత వరకు సమంజసం?

1) ప్రజా రాజ్యానికి వచిన సీట్లు 18, వోట్ల శాతం సుమారు 16. 130 సంవత్సరాల నుంచి ఉన్న పార్టీ కి 36% వోట్లు వస్తే, 30 ఏళ్ల నుంచి ఉన్న పార్టీ కీ 26% వస్తే, 8 నెలలున్న పార్టీ కి 16% శాతం వోట్లు వచ్చాయి. ఇది విజయం కాదా?.

2) ఒక వేళ శాతం ప్రకారం సీట్లు వచ్చి ఉంటే కాంగ్రెస్ కి సుమారు 100, తెదేపా కి 75, ప్రరాపా కి 50 వరకు వచ్చి ఉండేవి. ఎనిమిది నెలలు వయసు ఉన్న పార్టీ కి ఇంత స్పందన రావటం తుస్సుమన్నట్లా?

3) వై యెస్ ఇదేళ్లలో, బాబు 9 ఏళ్లలో వాళ్ల వాళ్ల పాలన ఎంటొ ప్రజలకు చూపించారు. వాళ్లకి వోట్లు వేసిన వాళ్లు ఆ పనులని చూసి వోట్ వేసుంటారు ఆయా పార్టీలకు. కాని ఇంత వరకు రాజకీయాల్లోనే లేని ఒక వ్యక్తి కి 16 శాతం వోట్లు రావటం, ముక్కోణపు పోటి లో ఒక్కరితోను పొత్తు లేకుండా తర తరాల నుంది ఉన్న పార్టీ లను ఖంగు తినిపించి 18 సీట్లు గెలుచుకోవటం వోటమి అవుతుందా?

4) ఈనాడు, సాక్షి లాంటి విలువల్లేని వార్తా పత్రికలు చిరు పార్టీ పెట్టక ముందు నుంచి చేసిన నెగిటివ్ ప్రచారాన్ని తట్టుకొని, ఎన్నికలు ఇంకో పది రోజులు ఉందనగా పరకాల లాంటి వాళ్ల తో ఆడించిన డ్రామాలను తట్టుకొని అన్ని సీట్లు సాధించటం ఏ రకంగా వోటమి? ఇప్పుడు ఇలా అనే పత్రికలలో ఒక్కళ్లు కూడా ఎన్నికల ముందు చేసిన విశ్లేషణలలో ప్రజా రాజ్యానికి 40 కన్నా సీట్లు వస్తాయని రాయలేదు. ఇప్పుడు మాత్రం తుస్సు, బర్రు అంటారు.

5) ఒక వేళ వై యెస్ గాని, చంద్ర బాబు కాని వాళ్ల పార్టీ లను వదిలి కొత్త పార్టీ ని పెట్టి వాళ్ల వాళ్ల వ్యక్తి గత బలాల మీద 16% వోట్లు సాధించే దమ్ము ఉందా? అసలు వాళ్లకే కాదు మన రాష్ట్రం లో ఎవరికైనా ఉందా? వాళ్లకు వచ్చే వోట్ల లో సిం హ భాగం వోట్లు ఆయా పార్టీలను తరతరాలుగా వెన్నంటి ఉన్న ప్రజలవి. ఇలా సొంత బలమే పార్టీ బలంగా వచ్చిన వ్యక్తి 18 సీట్లు సాధించాడు.

6) ఒకప్పుడు రామారావు పార్టీ పెట్టటం తోనే అధికారం లోకి వచ్చాడు. కాని అప్పుడున్నట్లు రాజకీయ శూన్యత, ప్రభుత్వ వ్యతిరేకత ఇప్పుడు లేవు. అవి లేక పోగా విలువల్లేని మీడియా, దబ్బు ప్రభావం ఇలాంటివి దాపురించాయి. ఇవన్ని మన పత్రికలకు చిరు రాజకీయాల్లోకి వచ్చినప్పుడు రాశారు కూడా. వీటిని తట్టుకొని పార్టీ 18 స్థానాల్లో మొదటి స్థానం లో, 34 స్థానాల్లో రెండో స్థానాల్లో నిలిచింది. ఇది ముమ్మాటికీ గొప్పే. అయితే 230 స్థానాల్లో ముడో స్థానం లో ఉంది అని రాశారు మన "largest circulated daily of AP (that circulates largest number lies daily) " వారు.

పార్టీ పెట్టగానే 200 సీట్లు వస్తాయనుకోవటం అతిశయోక్తే అవుతుంది. ఈ మంచి ప్రారంభాన్ని పార్టీ మరింత బలోపేతం చేయటానికి వాడుకుంటారు అని మనస్ఫూర్తిగా ఆశిస్తున్నాను.

నేనూ వోట్ వేస్తున్నానోచ్!

2009-04-15T07:29:00.000-07:00

చిన్నప్పుడు ఎప్పుడో ఎన్నికలు జరిగేటప్పుడు మా అమ్మ తో పోలింగ్ బూత్ లోకి వెళ్లి నేను కూడా చుక్క పెట్టించుకొని బడి లో అందరి దగ్గర ఫోస్ కొట్టేవాడిని వోట్ వేశానని చెప్పి. కొంచెం పెద్ద అయినప్పటినుంచి ఎప్పుడూ ఇంకా ఆ జోలికి పోలేదు. ఇంక చదువు అయ్యాక డిల్లీ లో ఒక ఆరేళ్లు ఉన్నా ఎప్పుడూ వోట్ కి దరఖాస్తు చేయలేదు. ఇక ఈ సారి ఎన్నికలు ఈ మధ్య వచ్చిన కొత్త పార్టీ ల వల్ల చాలా రంజు గా మారాయి. ఎందుకంటే ప్రధాన పార్టీల రేఖలు వాళ్ల బలం మీదే కాకుందా వాళ్ల నుంచి కొత్త పార్టీలకు చీలే వోట్ల మీద కూడా ఆధారపడి ఉన్నాయి. సరే ఏది ఏమైనా ఈమధ్యే నేను హైదరాబాదు రావటం, రాగానే వోట్ కి అప్లయి చేయటం, చేసిన ఇరవై రోజుల్లోనే అది రావటం అన్ని చక చకా జరిగిపోయాయి. మొత్తానికి మొదటి సారి వోట్ వేయబోతున్నాను కాబట్టి చాలా అనందం గా ఉంది.

నాలాగే మొదటి సారి వొటు హక్కు ఉపయోగించుకుంటున్న అందరికి శుభాకాంక్షలు, అభినందనలు, విజయం ప్రాప్తిరస్థు.

ఒక ప్రరాపా ప్రెజెంటేషన్

2009-04-15T07:26:00.000-07:00

నెట్ లో అవినీతి మీద రూపొందించిన ప్రజారాజ్యం ప్రెజెంటేషన్ ఒకటి దొరికింది. వీలుంటే చూడండి. http://www.slideshare.net/PrajaRajyam/anti-corruption

లోక్ సత్తా లో నన్ను ఆలోచింప జేసిన విషయాలు

2009-04-14T22:14:00.000-07:00

అందరిలాగానే నేను కూడా జెపి గారి ఇంటర్వ్యూ లు, ప్రసంగాలు చూసి ఆయన అభిమానిని అయ్యాను. ప్రజారాజ్యం ఆవిర్భవించినప్పుడు చిరంజీవి లోక్సత్తా తో పొట్టు పెట్టుకుంటే బాగుండు అని అనుకున్న వాళ్ళలో నేను ఒకడిని. ఇక కొన్ని కారణాల వల్ల ఆ పొత్తు జరగలేదు.
అయితే ఈమధ్య ఆయన మీద కొద్దిగా అభిమానానం తగ్గటానికి కారణం పార్టీలకు కర పత్రాలు గా మారిన వార్తా పత్రికల్లో వచ్చిన నిరాధారమైన వార్తలను పట్టుకొని చిరంజీవి ని విమర్శించటం. సరే ఈ విషయాన్ని పక్కన పెడితే ఈ మధ్య జరిగిన రెండు సంఘటనలు ఆయన గురించి ఆలోచింప జేసేలా చేసాయి.
ఒకటి: ఆయన ఎన్నికల సంఘానికి చెప్పిన ఆస్తుల రిజిస్ట్రేషన్ విలువ సుమారు ఆరు కోట్లు. ఆ ఆస్తుల మార్కెట్ విలువ ఇంకో రెండు మూడు రెట్లు ఉండొచ్చేమో . మరి ఒక ఐఎఎస్ ఆఫీసర్ తన పదవికాలంలో అంత సంపాదించగలడా లేదా అనేది ఆలోచించాల్సిన విషయం. అఫ్కోర్స్, ఆయనకు అది సంక్రమించిన ఆస్తి కూడా అయ్యుండొచ్చు. కాకపోతే దాని గురించి పూర్తీ వివరాలు నాకు తెలీవు కాబట్టి ఈ విషయం నన్ను ఆలోచింప జేసింది.
రెండోది: మూడు కుటుంబాలకు వోట్ వేస్తారో లేక మాకు వోట్ వేస్తారో అని పదే పదే చెప్పే ఆయన, ఆయన భార్య తో కుకట్ పల్లి లో ప్రచారం చేయించు కోవటం.

ప్రరాపా మానిఫెస్టో లో నాకు నచ్చిన అంశం

2009-04-13T22:19:00.000-07:00

"గత పదిహేనేళ్లు గా రాష్ట్రం లో జరిగిన అవినీతి పై హై కోర్ట్ జడ్జ్ తో విచారణ". రాష్ట్రం లో గత ఐదు సంవత్సరాలలో విపరీత మైన అవినీతి జరిగింది అని అందరికి తెలుసు. ఇక మన గౌరవమైన ప్రతిపక్ష నాయకుడు చంద్ర బాబు గారు దీని మీద రాష్ట్ర పతి కి కూడా వినతి పత్రం సమర్పించారు. కాని ఆయన పొరపాటున అధికారం లోకి వస్తే మాత్రం నిమ్మకు నీరెత్తినట్లు కూర్చుంటారు. ఎందుకంటే ఆయనదీ అదే జాతి కదా. ఆయన హయాం లో కూడా ఆయన మీద చాలా ఆరోపణలు వచ్చాయి. అఫ్కోర్స్, అప్పుడు ఆరోపణలు చేసిన రెడ్డి గారు కూడా అధికారం లోకి వచ్చాక వాటి మీద ఏ చర్య తీసుకోలేదు. ఒకప్పటి మిత్రులు కాబట్టి వాళ్లిద్దరి మధ్య ఈ అండర్ స్టాండింగ్ మొదటి నుంచి ఉంది అనుకుంటా.

పిఎస్: బ్లాగు చదివిన వారి కోరిక మేరకు మానిఫెస్టో లింక్ ఇస్తున్నాను. http://prajarajyam.org/2009/04/09/prajarajyam-manifesto/

పరకాల ప్రభాకర్

2009-04-10T01:21:00.000-07:00

పరకాల ప్రభాకర్ ప్రజా రాజ్యం లో చేరినప్పుడు ఎన్ని పేపర్లలో హెడ్ లైన్స్ లో రాశాయో తెలీదు కాని ఆయన రాజినామా మాత్రం ప్రజ స్వామ్యం లో అప్రజాస్వామ్యక శక్తులైన ఈనాడు, సాక్షిలు బాగా ఉపయోగించుకున్నాయి. వాళ్ల వాళ్ల పార్టీ లను గద్దె ఎక్కించటానికి ఎంతకైనా తెగిస్తాయి ఈ పత్రికలు.
ఇక అసలు విషయానికి వస్తే, పది నెలల క్రితం అంధ్రా లో ఎవరికి ఈయన పేరు పెద్దగా తెలిసి ఉండకపోవచ్చు. పరకాల ప్రభాకర్ మొదట ప్రజా రాజ్యం లో చేరినప్పుడు ఆయన ఎవరా అని అడిగితే కొంత మందేమో ఆయన ఈ టివి వ్యాఖ్యాత అని కొంత మంది, మేధావి అని కొంత మంది, ప్రజా రాజ్యం లో రామోజీ రావు మనిషి అని ఇలా రక రకాలుగా వినిపించాయి నాకు. ఇక కొన్ని రోజులకు ఎదో లోక్ సభ స్థానాని కి ఆయన పేరు ప్రజా రాజ్యం పరిశీలుస్తున్నట్లు వార్తలొచ్చాయి. ఈయన పని బాగుందే ఏకంగా లోక్ సభ సీటు నే కొట్టేస్తున్నాడు అనుకున్నాను. తీరా మరి చూస్తే ఆయనకు సీటు రాలేదు. ఇంకేముంది ఏకంగా పార్టీ ని పార్టీ కార్యాలయం లోనే "విషవృక్షం" అనేసాడు. అదే ఆయనకు సీటు వస్తే ఈ "కల్పవృక్షం" అనో లేక "బోధివృక్షం" అనో అనేవాడెమో. విషవృక్షం అని తెలిసిన వాడు వెంటనే రాజీనామా చేయాలి గాని తనకు టికెట్ రానంత వరకు ఎందుకు ఆగాడో ఆయనకే తెలియాలి? మరి ప్రజా విజయభేరి లో చిరు ని పొగిడిన ఆయన ఈ పది రోజుల్లోనే అంత జ్ఞానోదయం ఎలా అయ్యిందో. ఇవన్నీ చుస్తుంటే ఆయన్ను వెరే పార్టీ ల వాళ్లు కావాలనే ప్రజారాజ్యం లోకి పంపించినట్లు అనుమానం కలుగుతుంది. మొత్తానికి ఎవరో అన్నట్లు ఆయన్ను పార్టీ లోకి పంపిన వారి కార్యం ఆయన బాగానే నెరవేర్చినట్లు కనబడుతుంది.

'మెగాస్టార్' ఈ ఇబ్బందులను అధిగమించగలడా?

2009-03-18T00:12:00.001-07:00

దాదాపు గా ఒక ఇరవై ఏళ్ళు గా సినిమా రంగం లో రారాజు చిరంజీవి. అట్టడుగు స్థాయి నుంచి అత్యంత ఎత్తుకి ఎదిగాడు తన పట్టుదల, కృషి తో. కోట్లల్లో అభిమానులను సంపాదించుకున్నాడు. ఇప్పుడు ఆ అభిమానమే ఆస్తి గా రాజకీయాల్లోకి అడుగు పెట్టాడు. పార్టీ ఏర్పడిన మొదట్లో అంతా సజావుగానే జరిగినా గత కొద్ది కాలంగా ఎక్కువగా 'చిరు' కి రాజకీయం ఎంత కుట్ర కుతంత్రాలతో కూడిందో అర్థం అవుతూ ఉండి ఉంటుంది. సినిమాల్లో అరంగేట్రం చేసినప్పుడు ఎలాంటి అనుభవాలు ఎదురయ్యాయో తేలేదు కాని, ఇప్పుడు మాత్రం చాలా ఎదురు దెబ్బలు, ఇబ్బందులు ఎదురవుతున్నాయి.
ఇందులో మొదటిది, అతి ముఖ్యమైన ఇబ్బంది వార్తా పతికలు, మీడియా మద్దతు లేకపోవటం. వాళ్ల మద్దతు లేక పోగా ఏదో ఒక రకంగా చిరు పేరుని మాత్రం వాళ్ల స్వార్ధాలకోసం వాడుకుంటున్నారు. వాట్లో మొదటగా చెప్పాల్సింది 'ఈనాడు' గురించి. ఎప్పుడైతే సాక్షి తక్కువ డబ్బులతో ఎక్కువ ఫీచర్స్ ఇచ్చి ఈనాడు సర్కులేషన్ తగ్గించిందో అప్పుడు ఈనాడు కి అప్పుడప్పుడే రాజాకియాల్లోకి దూసుకు వస్తున్న చిరంజీవి ఒక బ్రహ్మాస్త్రంలా కనిపించాడు. అదే తడుముగా తన చిరకాల మిత్రుడైన రాముడి పార్టీ ని పక్కన పెట్టి, ఆంజనేయుడి పార్టీ కి ఒక రేంజ్ లో మద్దతు పలికాడు. అది ఎంత వరకు వెళ్లిందంటే చిరు వేసుకున్న చొక్కా రంగు నుంచి, పెట్టుకున్న వాచ్ నుంచి, మొహం మీద ఎంత శాతం చిరునవ్వు ఉందో, ఎన్ని గంటల ఎన్ని సెకన్ల ఎన్ని మిల్లీ సెకన్లకి ఉపన్యాసం ఇచ్చాడో అన్నిటినీ వర్ణిస్తూ కథనాలు రాయసాగాడు. అలా అభిమానులను ఈనాడు చదివించేలా ఆకట్టుకొని తన కష్ట సమయాల్లో గట్టెక్కాడు. ఎప్పుడైతే సాక్షి సర్కులేషన్ తగ్గటం మొదలు పెట్టిందో మళ్లీ చిరు ని పక్కన పెట్టి ఎప్పటిలాగానే తెదేపా ని అందలం ఎక్కించటం మొదలు పెట్టాడు. ఇక ఇప్పుడు చిరు గురించి ఈనాడు లో ఎక్కువగా రాసే అంశాలు "ప్రరాపా కమిటీ మీటింగ్ లో కార్యకర్తలు కొట్టుకున్నారు" అనో లేక ప్రరాపా అజెండా గురించి ఎవరో చేసిన విమర్శనో రాస్తాడు. మంచి విషయాలని ఏ మూలో ఎవరూ చదవని పేజీ లో రాస్తాడు. ఇక సాక్షి విషయానికి వస్తే మొదటి నుంచి ఒకే తీరు: కాంగ్రెస్స్ని తప్ప మిగతా పార్టీ లను విమర్శించటమే. మొదట చిరు ని విమర్శిస్తే అభిమానులు ఎలా స్పందిస్తారో తెలుసుకోవటానికి "పొలిటికల్ గాసిప్' 'కాలం' లో అన్నీ చిరు గురించి నెగెటివ్ గా రాసేవాడు. చిన్నగా అభిమానులు ఆ విమర్శలకు సెట్ అయ్యాక అవే ముఖ్య వార్తల్లో రాయటం మొదలు పెట్టాడు. ఇక అంధ్రజ్యోతి, వార్త, సూర్య కి కూడా వాటి వాటి పార్టీలు ఉండనే ఉన్నాయి. ఇలా చిరు కి యే ఒక్క పత్రిక మద్దతు కూడా లేదు.
ఇక టీవీల విషయానికి వస్తే వీళ్లకి కావల్సింది సెన్సేషనల్ న్యూస్ మాత్రమే, నిజానిజాలు ఎంత మాత్రం కావు. రోజా, జీవిత, రాజశేఖర్ వీళ్ల పాలిట దేవుళ్లు. వాళ్లు యే చౌక బారు విమర్శ చేసినా "ఫ్లాష్...ఫ్లాష్..." అంటూ రోలర్స్ వేస్తారు. ఆ రోజంతా వాళ్లందరి తోటి పదే పదే ఇంటర్వ్యూ లు పెట్టి, వింత వింత చర్చలు పెట్టి పండగ చేసుకుంటారు. మనకు తెలియకుండానే చిరంజీవి గురించి నెగెటివ్ అభిప్రాయం వచ్చేలా చేస్తారు. టీవీ 9/5, ఎన్ టీవీ ఈ కోవ లోకి వస్తాయి.
ఇక పోతే మిగతా పార్టీ ల రాజకీయ నాయకులు: వీళ్లకి కావల్సింది ఎదో ఒక విధంగా ఆయా పార్టీల అధినేత కళ్లల్లో పడటం, పార్టీలో తమ స్థాయిని పెంచుకోవటం. ఇక వీళ్లకి కూడా ఆయుధం చిరంజీవే. చిరంజీవి ని "శని నాయకుడు" అనో లేక పోతే బ్లడ్ బాంక్ లో రక్తం అమ్ముకున్నాడనో అంటేనే వీళ్ల పేర్లు పత్రికల్లో వస్తాయి, ముఖాలు టీవీల్లో కనిపిస్తాయి. రోజా, మారెప్ప లాంటి వాళ్లు ఈ కోవ కి చెందిన వాళ్లు. పదే పదే ఒకళ్లనే లక్ష్యం గా చేసుకొని విమర్శించి అవతలి వాళ్లని రెచ్చగొట్టటం వీళ్ల ఏకైక లక్ష్యం.
ఇక "ప్రరాపా" లో టికెట్ ఆశించి చేరేవాళ్లది ఇంకో కోవ. టికెట్ రాదు అని కన్ ఫర్మ్ అయ్యాక "ప్రజా రాజ్యం లో సామాజిక న్యాయం జరగట్లేదు" అనో లేక "టికెట్ కి దబ్బులు అడుగుతున్నాడు" అనో ఒక విలేఖరుల సమావేశం పెడతారు. అన్ని టీవీ చానెల్స్ దాన్ని లైవ్ ప్రసారం చేస్తాయి. వీళ్లందరూ కాక కోవర్టులు ఇంకా ఉండనే ఉన్నారు.
ఇక అభిమానులు కూడా చిరంజీవిని వదలలేదు. రాజశేఖర్ మీద దాడి ఇందుకు సరైన ఉదాహరణ. చిరంజీవి ద్రుష్టి లో పడాలని వాళ్లు అలా చేశారు. దాని వల్ల చిరంజీవికి, అభిమానులకీ ఎంత చెడ్డ పేరు వచ్చిందో అందరికీ తెలిసిందే.
చివరికి ఎన్నికల సంఘానిది కూడా అదే తీరు. రాష్ట్రం లో ఉన్న వోటర్లలో పది శాతం మంది సభ్యత్వం ఉన్న పార్టీ కి ఒక ఉమ్మడి గుర్తు కేటాయించాలంటే వాళ్లకి ఇబ్బందంట. అదే 294 అభ్యర్ధులకు 294 గుర్తులు కేటాయించటం మాత్రం వాళ్లకి తేలికంట.
ఇలా వ్యవస్థ లో ఉన్న ప్రతి ఒక్కరు ఇలా 'చిరు' పేరు ను తమ తమ స్వార్థ ప్రయోజనాలకోసం వాడుకుంటున్నారు. చిరు కి చెడ్డ పేరు తెస్తున్నారు. ఇంతకు ముందు కూడా చాలా సినిమాల్లో డైలాగ్స్ లో మెగాస్టార్ పేరు పెడితే ఫాన్స్ అన్నా చూస్తారనే ఉద్దేశం తో 'చిరు' మీద ఒకట్రెండు డైలాగ్స్ పెట్టారు. అయితే వీటివల్ల చిరు కి వచ్చిన నష్టం ఏమి లేదు. కానీ ఇప్పుడు పత్రికలు మొదలు కొని టీవీ చానెల్స్, రాజకీయ నాయకులు, చివరికి అభిమానులు కూడా ఆ పేరు ని ఎక్స్ ప్లాయిట్ చేస్తున్నారు. చిరంజీవి కి తల నెప్పి తీసుకువస్తున్నారు.
కర్ణుడి చావు కి కారణాలు అనేకం అన్నట్లు ఇవన్నీ చిరంజీవి ఓటమి కి కారణం అవుతాయో లేక సినిమాల్లో లాగా వీటన్నిటినీ తట్టుకొని చిరంజీవి విజయం సాధిస్తాడో తెలుసుకోవాలంటే ఎన్నికలయ్యేదాకా ఆగాల్సిందే.

ఆర్టిసి బస్సు.

2009-02-26T02:45:00.000-08:00

ఇవ్వాళ టీ కొట్టు లో "ఈనాడు" కనపడితే అలా చూసేసరికి, ఎవరో మాదిగ (ఎమార్పీఎస్) కార్యకర్తలు ఆర్టిసి బస్సు ని తగల పెట్టారు అని రాశారు. చాలా బాధేసింది. ఉరుము ఉరిమి మంగలం మీద పడ్డట్లు ఎవరు ఏ గొడవ చేయాలనుకున్నా వచ్చి ఆర్టిసి బస్సు మీద పడతారు. అసలు బస్సు ఏం పాపం చేసింది. మన రాష్ట్రం లో బైటికి వెళ్లాలంటే ఎక్కువ మంది వాడేది బస్సు. మనం ఏ ఊరు వెళ్లాలంటే ఆ ఊరికి చేర్చటమేనా ఆ బస్సు కాని ఆ సంస్థ కాని చేసే పాపం. అసలు అలా కాల్చేవాళ్లు జీవితం లో ఎన్ని సార్లు ఎక్కుంటారు బస్సు ని? అంతలా ఉపయోగపడే బస్సు ని ఎవడబ్బ సొమ్మని కాలుస్తారు ఆ దరిద్రులు, వాళ్లని ఇలాంటి విషయాలు చేయమని ప్రొత్సహించే రాజకీయ నాయకులు? నా ఉద్దేశం లో ఆ బస్సు ఖరీదు వసూలు చేయటం తో పాటు యావజ్జీవ శిక్ష విధించాలి అలా బస్సులని తగలబెట్టిన వాళ్లకి. ఏదన్నా నిరసన వ్యక్తం చేయాలంటే చేయాలంటే చేయాల్సిన విధానం లో చేయాలి గాని ఇలా జనాలకి ఉపయోగపడే వాటినల్లా తగల పెడితే ఎలా?

ఆనందో బ్రహ్మ

2009-01-29T21:08:00.000-08:00

ఈమధ్య 'సప్తగిరి' ఛానెల్ లో రాత్రి ౯.౪౫ (తొమ్మిది నలభై ఇదు కి) మళ్లీ "ఆనందో బ్రహ్మ" వస్తుంది. చిన్నప్పుడు దూరదర్శన్ లో విరగబడి చూసేవాళ్ళం ఈ కార్యక్రమాన్ని. కొద్ది కొద్దిగా గుర్తున్న అప్పటి కార్యక్రమాన్ని చూడటం భలేగా ఉంది. విశేషం ఏంటంటే ఇప్పుడు చూస్తున్నా కూడా మిగతా ఛానెల్స్ లో వచ్చే చెత్త కార్యక్రమాలకన్నా ఇది చాలా నయం.

చిరు భేష్

2008-12-23T20:16:00.000-08:00

మిగతా వాళ్ల సంగతి తెలీదు కాని నాకు మాత్రం మొదటి నుంచి చిరు ప్రభుత్వాన్ని విమర్శించే అంశాలు నచ్చుతున్నాయి.
చాలా మంది ప్రజా యాత్రలు చేస్తున్నారు కాని, చిరు యాత్రలకి వాటికి తేడా ఏంటంటే, చిరు స్థానిక సమస్యల పైన ఎక్కువ దృష్టి పెడుతున్నాడు. మొదట చిరు బహిరంగంగా బైటకు వచ్చి ప్రజలను కలిసింది సిరిసిల్ల లోని నేత కార్మికులను. అప్పటి వరకు అసలు దాని గురించి పెద్దగా చర్చే జరగలేదు. ఎప్పుడైతే చిరు అక్కడికి వెళ్ళాడో పాలక పక్షం నుంచి ప్రతి పక్షం దాక అందరు దాని గురించే చర్చించారు కొన్ని రోజులు. ఇది ముమ్మాటికీ చిరు గొప్పతనమే. సిరిసిల్ల తర్వాత పోలేపల్లి పర్యటన కు కూడా అలాంటి స్పందనే లభించింది. ఇంక తర్వాత శ్రీకాకుళం పర్యటన లో కోడి రామ్మూర్తి గారి గురించి చర్చించి ఆయన గుర్తుగా ఏదో చేస్తాము అని చెప్పారు. ఇవ్వాల్టి రోజుల్లో ఇందిరమ్మ ని, రాజీవయ్యని తప్ప మన పాలకులు తెలుగు నాట ఎంతో ఖ్యాతి గడించిన అమర వీరులను అసలు పట్టించుకుంటున్నారా చెప్పండి. వీళ్ళని ఎన్నుకొని మన ఆత్మ గౌరవాన్ని మనమే చంపుకుంటున్నాం.
ఇక ఈమధ్య పర్యటనల విషయానికి వస్తే, ఎన్ హెచ్ ౯ (తొమ్మిది) ప్రస్తావన.. హైదరాబాదు నుంచి విజయవాడ కి బస్సు లో వెళ్ళే వాళ్ళకి తెలుస్తుంది ఆ బాధ ఏంటో. రాత్రి బయల్దేరాలంటే గంటలు గంటలు ట్రాఫిక్ జామ్. ఎన్నింటికి ఇంటికి చేరతామో తెలియని పరిస్థితి. రాష్ట్రం లో బాగా రద్దీ ఉండే రోడ్లలో అది ఒకటి. సంవత్సరాల తరబడి దాని పరిస్థితి అలానే ఉన్నా పట్టించుకున్న నాధుడే లేడు. నల్గొండ లోని ఫ్లోరైడ్ సమస్య కుడా ఇలాంటిదే. ఇలాంటి నిజమైన సమస్యలను ప్రస్తుతించటం లో విపక్షాలు కుడా విఫలం అయ్యాయనే చెప్పాలి.
ఇంక చిరు మీద విమర్శల విషయానికి వస్తే చిరు మార్పు అంటున్నాడు కాని, మార్పు అంటే ఏంటో చెప్పట్లేదు. సరైన అజెండా లేదు చిరు కి అంటున్నారు. మార్పు అంటే ఏదో సినిమా లో చూపినట్లు హైదరాబాదు కి సముద్రం తేనవసరం లేదు . చేసే పనులే సక్రమంగా చేస్తే ప్రజలందరికీ ఫలాలు సక్రమంగా అందుతాయి. ఇంక అజెండా విషయానికి వస్తే ఏ ఒక్క పార్టీ కి ఆయినా సరి ఆయినా అజెండా ఉందా, ప్రభుత్వాన్ని కిందకి దించటం తప్ప. అదే ఉంటే సమైక్య ఆంధ్రా వాదన వినిపించే సిపిఐ , సిపిఎం వాళ్ళు తెరాస లాంటి పార్టీ లతో పొత్తు పెట్టుకుంటారా?
ఇప్పడు చిరు ముందున్న అతి పెద్ద సవాలు ఎన్నికల వరకు ఈ ఊపు ని కొనసాగించి ఎన్నికల్లో గెలవటం. ఆ తర్వాత తను కోరుకున్న మార్పు ప్రజలకు చూపించటం. ఈ రెండిట్లో ఎంత వరకు విజయం సాధిస్తాడో వేచి చూడాల్సిందే.
ఇంకా నేను కోరుకోనేదేంటంటే ఆచరణ లో ఆదరణ కోల్పోతున్న తెలుగు కి కూడా చిరు ఏదన్నా చేయాలని.

కొత్తగూడెం క్లబ్ వారి 'బాలోత్సవ్'

2008-10-27T01:47:00.000-07:00

నిన్న (26 అక్టోబర్ 2008) ఈనాడు ఆదివారం పుస్తకం లో వచ్చిన ఈ వ్యాసం చూడండి.
http://www.eenadu.net/archives/archive-26-10-2008/htm/weekpanel1.asp
నాకైతే ఈ ప్రయత్నం వినూత్నం గా చాలా చక్కగా అనిపించింది. అందులో విశేషం ఏంటంటే వాళ్లు కార్యక్రమం అంతా తెలుగులోనే చేస్తారు. పిల్లలకి తెలుగు మీద మమకారం కలిగేలా చేస్తారు. ఇలా మామూలుగా బళ్లలో లో కాకుండా ఒక రెండు మూడు రోజుల ట్రిప్స్ లో పిల్లలకి ఇలాంటివి చెప్పటం వల్ల పిల్లల్లో మాతృభాష మీద మమకారం చిన్న వయసులోనే బలంగా నాటుకుంటుంది. ఇలా చిన్న వయసు లో పడే ముద్రలు జీవితాంతం ఉంటాయి. తెలుగు మీడియం లో చదివితే ఇంగ్లీష్ రాదు అని తెలుగు భాష మీద ప్రేమ ఉన్నా ఇంగ్లీష్ మీడియం లో పిల్లల్ని చేర్పించే వాళ్లు ఇలాంటి కార్యక్రమాల్లో పిల్లల్ని పాల్గొన చేయటం ద్వారా వాళ్ల రెండు ఆశలు నెరవేరుతాయి. ఈమధ్య మొదలు పెట్టిన "తెలుగు భాష ప్రచార సమితి" అనే సంఘం వాళ్లకి కూడా ఇలాంటి ఆలోచనలు ఉపయోగపడతాయేమో మరి.

గూగుల్ న్యూస్ తెలుగు లో

2008-10-09T02:27:00.000-07:00

ఈ మధ్యే గూగుల్ న్యూస్ తెలుగు లో కూడా మొదలయింది. ఇది మన కూడలి లాగా అన్ని వెబ్ సైట్ ల నుంచి వార్తలను సేకరించి చూపిస్తుంది. తెలుగు అభిమానులకు ఇది శుభవార్తే మరి. http://news.google.co.in/news?ned=te_in

సామాను తిరిగి పొందు 'స్దలము'

2008-10-03T19:00:00.000-07:00

ఏoటి వీడెవడో బ్లాగు హెడ్డింగ్ కూడా తప్పు రాశాడు అనుకుంటే మీరు పప్పులో కాలేసినట్లే. ఒప్పుకోరా? ఐతే కింద ఫొటో చూడండి.

ఇంకా అర్థం కాకపోతే పై ఫొటో బూతద్దం లో ఎలా ఉంటుందో కింద చూడండి.

మీకీపాటికి అర్థం అయ్యుంటుంది. ఇదేదో విమానాశ్రయ౦ లో బోర్డు లాగా ఉందే అని. అవును ... మీరు అనుకున్నట్లు ఇది మన హైదరాబాదు అంతర్జాతీయ విమానాశ్రయం లోని ఒక బోర్డే. ఇలాంటి బోర్డులు అక్కడ వెతకటానికి పెద్ద సమయం పట్టదు. ఎందుకంటే అక్కడ తొంభై శాతం బోర్డుల్లో తెలుగు అలానే ఉంటుంది. చదువు, వృత్తి రీత్యా ఆరు సంవత్సరాలుగా అంధ్రా బైట ఉంటున్న నాకు సాధారణంగా ఎప్పుడైనా ఆంధ్రా లో అడుగు పెట్టగానే నా చూపు అంతా తెలుగు అక్షరాలపైకి వెళుతుంది. ఇలా ఒక బోర్డు కనపడగానే ఒక్కచోటన్నా తప్పు లేకుండా ఉంటుందేమోనని ఇంకో పది బోర్డులు వెతికినా 'స్థలము' అనే పదం ఒక్క చోట కూడా సరిగ్గా రాసిలేదు. ఎంటో ఆ మాత్రం తెలుగు రాసే వాడు కూడా అంతర్జాతీయ స్థాయికి ఎదిగిన హైదరాబాదులో లేరా అనిపించింది. ఇక విమానాశ్రయం లో విమాన వివరాలు/గమనికలు తెలుగు లో అసలు ఉండనే ఉండవు. అంతర్జాతీయ విమానాశ్రయం లోనికి తెలుగు మాత్రమే వచ్చిన వాళ్లు అసలు ప్రవేశించటానికే అనర్హులు అని మన పాలకుల అభిప్రాయం కాబోలు. ఇలా ఒక రాష్ట్ర రాజధానిలో ఉండే ఒక విమానాశ్రయం లో ఆ రాష్ట్ర భాష లో గమనికలు లేక పోవటం బహుశా ప్రపంచం లో ఇక్కడే ఉండి ఉంటుంది. అంత (దుర+)అదృష్టం మనకే దక్కుతుంది.

ఇక ఈ విమానాశ్రయం గురించి అప్పట్లో జరిగిన ఏకైక చర్చ విమానాశ్రయం పేరు మీద. ఒక తెలుగు వాడిగా తెలుగు వాడి పేరు పెడితే నేను కుడా బాగా అనందిస్తాను. అది ఒక రకమైన ఆత్మగౌరవం లాంటిది. సరే అది ఎలాగు జరగలేదు కదా కనీసం విమానాశ్రయం లోపల అన్నా తెలుగు అమలు పరిస్తే బాగుంటుంది. మన ప్రభుత్వానికి ఇలాంటివి ఎలాగు పట్టవు. తెలుగు వాళ్ల "ఆత్మ గౌరవం" నినాదం వాడుకొనే "తెలుగు దేశం" వాళ్లకి గాని, కనీసం అధికార భాషా సంఘం వాళ్లకి గాని ఏమన్నా పడతాయంటారా ఇలాంటి విషయాలు?

పుల్లాయన బ్లాగు

2008-08-30T04:33:00.000-07:00

మన తెలుగు బ్లాగర్ల ఉత్సాహం చూసి నేను కూడా తెలుగు బ్లాగు రాయాలని ఎన్నో రోజులుగా అనుకుంటూ చివరికి ఇప్పుడు "నేను కూడా కూడలి లో చేరాను. ఒక బ్లాగు రాస్తున్నాను".

ఇక ఒక బ్లాగు తయారు చేయాలంటే ముందు చేయాల్సింది ఒక పేరు తయారు చెయ్యటం. ఇది ఎంతైనా చాలా కష్టమైన పని. ఇప్పటికే మన తెలుగు బ్లాగర్లు అందరూ మనకున్న కొన్ని మంచి, పిచ్చి అలాగే వింత, కొత్త, చెత్త పేర్లన్నీ పెట్టేసుకున్నారు. ఇంక నేను కూడా బాగా అలోచించి.. చించి ఇలా "పుల్లాయన" అనే కొత్త, వింత పేరు ఐతే వెరైటీ గా ఉంటుంది అని ఇలా పెట్టుకున్నాను. ఆ పేరు వెనక పెద్ద కథే ఉంది. దాని గురించి తర్వాత ఎప్పుడన్నా చెప్తాను లెండి. ప్రస్తుతానికైతే అలా ఫిక్స్ అయిపోయాను.

ఇక అందరూ తమ తమ బ్లాగుల్లో రాజకీయాలు, సినిమాలు, స్వగతాలు ఇలా ఒకటేమిటి, చాలా రాస్తున్నారు. నేను కూడా అలాగే నాకు తోచిన అంశాల గురించి రాస్తాను. మన తెలుగు బ్లాగర్లకు "లేఖిని", "కూడలి" లాంటి మంచి పనిముట్లను అందించిన చావా, వీవెన్ లాంటి వాళ్లు, అలాగే తెలుగు బ్లాగుల్లో మంచి ఉపయోగపడే విషయాలు అందిస్తున్న మన మిత్రులందరూ మనస్ఫూర్తిగా అభినందనీయులు.

టెస్టింగ్

2008-05-20T02:05:00.000-07:00

హలో హలో హలో
అందరికి పుల్లాయన నమస్కారం.