ఆర్టిసి బస్సు.

ఇవ్వాళ టీ కొట్టు లో "ఈనాడు" కనపడితే అలా చూసేసరికి, ఎవరో మాదిగ (ఎమార్పీఎస్) కార్యకర్తలు ఆర్టిసి బస్సు ని తగల పెట్టారు అని రాశారు. చాలా బాధేసింది. ఉరుము ఉరిమి మంగలం మీద పడ్డట్లు ఎవరు ఏ గొడవ చేయాలనుకున్నా వచ్చి ఆర్టిసి బస్సు మీద పడతారు. అసలు బస్సు ఏం పాపం చేసింది. మన రాష్ట్రం లో బైటికి వెళ్లాలంటే ఎక్కువ మంది వాడేది బస్సు. మనం ఏ ఊరు వెళ్లాలంటే ఆ ఊరికి చేర్చటమేనా ఆ బస్సు కాని ఆ సంస్థ కాని చేసే పాపం. అసలు అలా కాల్చేవాళ్లు జీవితం లో ఎన్ని సార్లు ఎక్కుంటారు బస్సు ని? అంతలా ఉపయోగపడే బస్సు ని ఎవడబ్బ సొమ్మని కాలుస్తారు ఆ దరిద్రులు, వాళ్లని ఇలాంటి విషయాలు చేయమని ప్రొత్సహించే రాజకీయ నాయకులు? నా ఉద్దేశం లో ఆ బస్సు ఖరీదు వసూలు చేయటం తో పాటు యావజ్జీవ శిక్ష విధించాలి అలా బస్సులని తగలబెట్టిన వాళ్లకి. ఏదన్నా నిరసన వ్యక్తం చేయాలంటే చేయాలంటే చేయాల్సిన విధానం లో చేయాలి గాని ఇలా జనాలకి ఉపయోగపడే వాటినల్లా తగల పెడితే ఎలా?