కొత్తగూడెం క్లబ్ వారి 'బాలోత్సవ్'

నిన్న (26 అక్టోబర్ 2008) ఈనాడు ఆదివారం పుస్తకం లో వచ్చిన ఈ వ్యాసం చూడండి.
http://www.eenadu.net/archives/archive-26-10-2008/htm/weekpanel1.asp
నాకైతే ఈ ప్రయత్నం వినూత్నం గా చాలా చక్కగా అనిపించింది. అందులో విశేషం ఏంటంటే వాళ్లు కార్యక్రమం అంతా తెలుగులోనే చేస్తారు. పిల్లలకి తెలుగు మీద మమకారం కలిగేలా చేస్తారు. ఇలా మామూలుగా బళ్లలో లో కాకుండా ఒక రెండు మూడు రోజుల ట్రిప్స్ లో పిల్లలకి ఇలాంటివి చెప్పటం వల్ల పిల్లల్లో మాతృభాష మీద మమకారం చిన్న వయసులోనే బలంగా నాటుకుంటుంది. ఇలా చిన్న వయసు లో పడే ముద్రలు జీవితాంతం ఉంటాయి. తెలుగు మీడియం లో చదివితే ఇంగ్లీష్ రాదు అని తెలుగు భాష మీద ప్రేమ ఉన్నా ఇంగ్లీష్ మీడియం లో పిల్లల్ని చేర్పించే వాళ్లు ఇలాంటి కార్యక్రమాల్లో పిల్లల్ని పాల్గొన చేయటం ద్వారా వాళ్ల రెండు ఆశలు నెరవేరుతాయి. ఈమధ్య మొదలు పెట్టిన "తెలుగు భాష ప్రచార సమితి" అనే సంఘం వాళ్లకి కూడా ఇలాంటి ఆలోచనలు ఉపయోగపడతాయేమో మరి.